Dövlətimizin mədəniyyət siyasətinin həyata keçirilməsi yolunda atılan addımlar sayəsində müasir Azərbaycan reallıqlarına cavab verən yeni bir mədəni siyasət modeli qurulmuş, onun əsasını mədəniyyətimizin inkişafını təmin edən konsepsiyalar, ideoloji prioritetlər və mədəni dəyərlər təşkil etmişdir və bu siyasət Azərbaycana məxsus olan, iqtisadi cəhətdən inkişaf etmiş ölkələrdə mövcud olan qlobal tendensiyalara uyğun formalaşdırılmışdır. Bu məsələlərin konseptual həll yollarının uğurla həyata keçirilməsi dövlətimizin mədəniyyət siyasətinin ən uyğun strategiyalarından biridir.
Dövlətimizin mədəniyyət siyasətində maddi və mənəvi irsin qorunması, beynəlxalq miqyasda təbliği əsas istiqamətlərdən biridir. Dövlətimiz milli dəyərlərimizə həmişə xüsusi diqqət yetirmiş, onların qorunmasının, gənc nəslin bu ruhda tərbiyə olunmasının vacibliyini həmişə önə çəkmişdir. Digər sahələrlə yanaşı mədəniyyət siyasətində əldə edilmiş mühüm nailiyyətlər ölkəmizin müstəqilliyinin möhkəmləndirilməsinə, mədəniyyətimizin tərəqqisinə zəmin və şərait yaradır. Bu amil həmçinin, mədəniyyət sahəsində inkişafın təmin edilməsində çox vacib rol oynamış, uğura doğru yeni perspektivlərə yol açmışdır. ”Xalqımızı xalq kimi, millət kimi qoruyub saxlayan bizim ənənələrimiz olub, ədəbiyyatımız, ana dilimiz və mədəniyyətimiz olubdur. Mədəniyyət, ədəbiyyat, milli musiqi, ana dilimiz, tarixi keçmişimiz – biz bu sahələrə böyük diqqət yetirməliyik” deyən hörmətli prezidentimiz İlham Əliyev mədəniyyətimiz və incəsənətin inkişafını həmişə prioritet sahə kimi həmişə diqqət mərkəzində saxlamışdır.
Dövlət mədəniyyətimizin qorunması və təbliğinə güclü dəstək verir. Bu illər ərzində mədəniyyət ölkədə həyata keçirilən strateji siyasətin prioritetlərindən biri olmuşdur Milli mədəniyyətimizin inkişaf etdirilməsi siyasəti ölkəmizdə böyük uğurla həyata keçirilir. Bu yolda Yeni Azərbaycan Partiyasının rolu böyük olmuşdur.
Bu gün Azərbaycan Respublikasında mədəniyyət siyasəti deyildikdə, müxtəlif sosial institutlar tərəfindən işlənilən tədbirlər kompleksi nəzərdə tutulur ki, yaradıcı fəaliyyət göstərən subyektin formalaşmasına, yaradıcılıq sahəsində şərtlərin, sərhədlərin və prioritetlərin müəyyənləşdirilməsinə, yaradılan mədəni dəyərlərin seçim prosesinin və translyasiyasının təşkil olunmasını və onların cəmiyyətin ixtiyarına verilməsini şərtləndirir.Dövlət orqanları, işgüzar strukturlar, mədəniyyət xadimləri mədəniyyət siyasətinin subyektlərinə aid edilirlər.
Qeyd olunmalıdır ki, mədəniyyət xadimləri mədəni siyasətində ikili rol oynayırlar – eyni zamanda həm obyekt, həm də mədəniyyətin subyekti kimi çıxış edirlər. Mədəniyyət xadimləri, mədəni dəyərlərin istehsalçısı və istehlakıçısı olan cəmiyyətdə mədəniyyət obyektləri kimi daim seçilirlər. Uğurlar və nailiyyətlər də onların daşıyıcısı olduğu dəyərlərin nə dərəcədə təbliğindən asılıdır.
Mədəniyyət sahəsində vahid dövlət siyasətinin formalaşmasında iştirak, bu siyasətin həyata keçirilməsinin təmin edilməsi, həmçinin bu sahənin inkişafı uğrunda müxtəlif proqramların işlənilib hazırlanması və reallaşdırılması Mədəniyyət Nazirliyinin fəaliyyət istiqamətlərini təşkil edir. Azərbaycan Respublikası Prezidenti İlham Əliyev tərəfindən bu sahəyə böyük diqqət və qayğı göstərilmiş, mədəniyyət və turizm işçilərinin əmək haqları artırılmış, mədəni-sosial, maddi-texniki bazanın tamamilə yenidən qurulması prosesinə start verilmiş, teatr, kino, kitabxana işi, abidələrin qorunması sahələrində dövlət başçısının fərmanları, sərəncamları verilmiş, dövlət proqramları həyata keçirilməyə başlamışdır. Dövlətimizin bu sahədə atdığı addımlar təmsil etdiyimiz milli mədəniyyətin ümumi fəaliyyət sahəsi üçün geniş imkanlar yaratmışdır. Bu illər ərzində Azərbaycan ədəbiyyatında, musiqisində, kinosunda, təsviri sənətdə və mədəniyyətin digər sahələrində xalqın ruhunu, tarixini, milli-mənəvi dəyərlərini təşviq və tərənnüm edən çoxsaylı əsərlər meydana gəlmişdir. Bu əsərlər Azərbaycan gerçəkliyini, xalqımızın mənəvi, mədəni aixi və intellektual həyatını əks etdirir və xalqımızın böyük mədəniyyətə malik olduğunu bir daha sübut edir. Bu gün dövlətimizin başçısı cənab İlham Əliyev və Azərbaycanın vitse-prezidenti, Heydər Əliyev Fondunun rəhbəri Mehriban xanım Əliyevanın rəhbərliyi altında dövlətimiz milli mədəniyyətimizə və incəsənətə böyük qayğıkeşlik nümayiş edirir. Bu, biz mədəniyyət işçiləri üçün əsl nümunədir və fəaliyyətimizdə böyük əhəmiyyət daşıyır. Bu sahədə Yeni Azərbaycan Partiyası yeni mədəniyyət siyasətinin aparıcı qüvvəsi kimi çıxış etməkdədir. Məhz partiyanın rəhbərliyi altında yerlərdə mədəniyyət sahəsini təmsil edən insanlar böyük həvəs və coşqu ilə milli mədəniyyətimizin təbliğatçısına və təşfiqatçısına çevrilmişlər. Gəncə şəhərinin ictimai-siyasi həyatında Gəncə-Daşkəsən Regional Mədəniyyət İdarəsinin bütün kollektivi yaxından iştirak etməkdədir. Şəhərin mədəni həyatını bu kollektivlərsiz təsvir etmək mümkün deyil. Bu, eyni zamanda mədəniyyətimizin, milli-mənəvi dəyərlərimizin, mədəni incilərimizin yaşadılması və qorunması yolunda Gəncənin mədəniyyət işçilərinin fədakar əməyindən xəbər verir.
Təvəkgül Hüseynli, Samux rayon Qarayeri qəsəbə Uşaq Musiqi Məktəbinin direktoru, Samux rayon Sərkar Uşaq Musiqi Məktəbinin direktor vəzifəsini müvəqqəti icra edən.