Gənclər müasir Azərbaycan cəmiyyətinin ən böyük sosial – demoqrafik qruplarından biri kimi
Bu gün gənc nəslin düzgün yetişdirilməsi dövlətimizin siyasətində önəmli yer tutur. Əsası ümummilli lider Heydər Əliyev tərəfindən qoyulan dövlət gənclər siyasətinin Prezident İlham Əliyev tərəfindən uğurla davam etdirilməsinin nəticəsidir ki, bu gün Azərbaycan gəncləri bütün sahələrdə özlərini doğruldurlar.
Ulu Öndərin gəncliyə və gənclərə etimadı bu gün artıq öz təsdiqini tapmaqdadır. Bu gün ölkəmizdə gənclər siyasəti mahiyyət və keyfiyyətcə yeni mərhələsini yaşayır. Prezident İlham Əliyev Ulu Öndərin gənclər siyasətinə sadiqliyini öz qərarları ilə təsdiq edir. Gənclərin mənəvi inkişafı, vətənpərvərlik tərbiyəsi, xarici ölkələrdə təhsili, sosial müdafiəyə ehtiyacı olanların problemlərinin həlli istiqamətində görülən işlər, gənclər təşkilatlarının formalaşması və inkişafı üçün yaradılan şərait və imkan bu sahəyə böyük diqqətin nəticəsidir.
Gənclər müasir Azərbaycan cəmiyyətinin ən böyük sosial -demoqrafik qruplarından biridir və ölkənin iqtisadi cəhətdən aktiv əhalisini daim artırır. Haqlı olaraq qeyd olunub ki, gənclər sosial dəyişiklik üçün vacib və innovasiya üçün böyük bir qüvvədir. Bu qüvvənin necə istifadə edildiyi və hansı məqsədlərə yönəldilməli olduğu – cəmiyyətimizin rifahı bu problemin həllindən asılıdır. Statuslarına görə gənclər öz hərəkətləri ilə keçmişin nümunələrini bu günə inteqrasiya edir və bununla da gələcəyə keçidi formalaşdırırlar.
Gənclik sosiallaşma mərhələsindən keçən, təhsil, peşə, mədəni və digər sosial funksiyaları mənimsəyən insanlar nəslidir, konkret tarixi şəraitdən asılı olaraq, gənclər üçün yaş meyarları 16 ilə 30 yaş arasında dəyişə bilər.
Gənclik sosial yetkinliyin inkişaf dövrünü yaşayan, yetkin dünyaya daxil olan, ona uyğunlaşan və gələcəkdə yenilənən sosial – demoqrafik qrupdur.
Son zamanlar gənclər siyasəti nəsillər arasında tanınmış qarşılıqlı əlaqə formasına çevrilib və onun uğurla həyata keçirilməsi cəmiyyətin və dövlətin innovativ inkişafı üçün böyük imkanlar açır. Ölkəmizdə gənclər siyasəti mürəkkəb iqtisadi və sosial şəraitdə həyata keçirilir və böyük uğurlar ilə yadda qalır.
Bu gün gənclər siyasətinə xüsusiyyətlər, imkanlar və spesifik xüsusiyyətlər nəzərə alınan ümummilli yanaşma vardır.
Uşaqların və gənclərin vətənpərvərlik və mənəvi-əxlaqi tərbiyəsi, ailə institutunun möhkəmləndirilməsi, vətəndaş iştirakının formalaşdırılması, siyasi institutlarla qarşılıqlı əlaqənin təmin edilməsi və gənclərin sosial fəallığının inkişaf etdirilməsi, sosial cəhətdən əhəmiyyətli karyera rəhbərliyi, yetkinlik yaşına çatmayanlar üçün müvəqqəti məşğulluğun təşkili, biznes fəaliyyətinin və gənc mütəxəssislərin rəqabət qabiliyyətinin inkişaf etdirilməsi, yaradıcı və intellektual potensialın inkişafı, gənclərin bədii, elmi və texniki fəaliyyətlərdə özünüdərkinin təşviq edilməsi, gənclər siyasəti sahəsində informasiya, analitik, elmi və metodoloji dəstək sisteminin yaradılması, texniki, təşkilati və kadr şəraitinin təmin edilməsi qarşımıza duran ən vacib məsələlərdən biridir.
Gənclərlə işin səmərəliliyi əsasən onların müxtəlif sahələrdə sistemli, mütəşəkkil fəaliyyətlərdə iştirakı ilə müəyyən edilir. Bu gün Ulu Öndərin siyasi kursunu layiqincə davam etdirən Prezident İlham Əliyevin və Birinci vitse-prezident, Heydər Əliyev fondunun prezidenti Mehriban xanım Əliyevanın təhsilə qayğıları, diqqətləri nəticəsində təhsil ocaqlarında yaradılan şərait – müasir standartlara uyğun sinif otaqlarının və inzibati binaların istifadəyə verilməsi uğurlu gələcəyimizdən xəbər verir.
Yeni Azərbaycan Partiyasının rəhbərliyi altında təhsil ocaqlarında aparılan vətənpərvərlik tərbiyəsi, mənəvi – əxlaqi tərbiyə, vətəndaş iştirakının formalaşdırılması, yaradıcı və intellektual potensialın inkişafı gənclər siyasətinin həyata keçirilməsində iştirak edən gənclərin faiz dərəcəsinin artmasına səbəb olmuşdur.Bununla bağlı rəhbərlik etdiyimiz fakültədə gənclər arasında məqsədyönlü işlər aparır, gənclərin siyasi biliklərini artırmaq, onları partiyanın təbliğatında iştirak etmək, onları YAP üzvləri sırasına mütəşəkkil olaraq daxil olmaq və partiyanın ictimai-siyasi həyatında fəal iştirak etmək üçün fəal işlər aparırıq.
Bu gün dekanlığın YAP özək təşkilatının müəllim-tələbə heyəti bütün işlərdə təhsil alanlara bir nümunədir. Biz Gəncə şəhər YAP təşkilatı ilə daim sıx əlaqələr saxlayır və şəhər təşkilatının rəhbərliyi altında işimizi günün tələbləri səviyyəsində qurmağa çalışırıq.
Məsim Abadov,
Gəncə Dövlət Universitetinin İqtisadiyyat və idarəetmə fakültəsinin dekanı,
biologiya üzrə fəlsəfə doktoru, dоsеnt.