Gəncə-Daşkəsən Regional Mədəniyyət İdarəsinin təşkilatçılığı ilə Azərbaycan Respublikasının əməkdar incəsənət xadimi, görkəmli bəstəkar Qəmbər Hüseynlinin 110 illiyi qeyd olunub.
Mərasimdə Gəncə-Daşkəsən Regional Mədəniyyət İdarəsinin rəisi Nail Məmmədov, mədəniyyət işçiləri, ziyalılar, şəhər ictimaiyyətinin nümayəndələri və bəstəkarın ailə üzvləri iştirak ediblər.
Tədbir iştirakçıları dünyaşöhrətli bəstəkarın şəhərin Filarmoniya bağında yerləşən məzarı üzərinə tər çiçəklər düzüblər.
Qeyd olunub ki, Qəmbər Hüseynlinin Azərbaycan musiqi mədəniyyətinə verdiyi töhfələr və zəngin yaradıcılıq irsi daim yaşadılır və gələcək nəsillərə ötürülür.