Dünya şöhrətli Gürcüstan Dövlət Akademik Mahnı və Rəqs Ansamblı “Erisioni” Gəncə Dövlət Filarmoniyasının səhnəsində çıxış edəcək
Təxminən üç əsrlik zəngin tarixə malik olan ansambl gürcü xalqının musiqi və rəqs irsini özünəməxsus səsləndirmə tərzi və möhtəşəm xoreoqrafiyası ilə tamaşaçılara təqdim edəcək.
Konsert 17 yanvar tarixində, saat 18:00-da baş tutacaq.
Biletləri Gəncə Dövlət Filarmoniyasının kassasından, eləcə də iticket.az saytından əldə etmək mümkündür.
Qeyd edək ki, tədbir Azərbaycan və Gürcüstan Mədəniyyət Nazirliyinin təşkilatçılığı, Gürcüstanın Azərbaycandakı Səfirliyinin, o cümlədən Gəncədəki Baş Konsulluğunun dəstəyi ilə həyata keçiriləcək.
