Gəncədə fəaliyyət göstərən ƏƏSMN-nin tabeliyində Sosial Xidmətlər Agentliyinin 4 saylı Uşaq evi sosial xidmət müəssisəsinin sakinləri üçün Azərbaycan Texnologiya Universitetinin təşəbbüsü ilə iki həftəlik təlim proqramı təşkil olunub.
Proqram çərçivəsində yeniyetmələr üçün tikiş və kompüter kursları keçirilib. İştirakçılar tikiş üzrə ilkin bacarıqlar, geyim hazırlanması və sadə dizayn elementləri ilə tanış olub, kompüter dərslərində isə əsas proqramlardan istifadə və rəqəmsal savadlılıq üzrə biliklərini artırıblar.
İnteraktiv formada təşkil olunan təlimlərdə şagirdlər praktiki məşğələlərdə fəal iştirak ediblər.
Proqramın sonunda universitetin rektoru Yaşar Ömərov iştirakçılarla görüşərək bu cür layihələrin əhəmiyyətini vurğulayıb və onlara uğurlar arzulayıb. Təlimləri uğurla başa vuran yeniyetmələr sertifikatlarla təltif olunublar.
Layihənin məqsədi uşaq evi sakinlərinin fərdi inkişafına dəstək göstərmək və onların gələcəyə daha inamla hazırlaşmasına töhfə verməkdir.
61
3