Oktyabrın 2-də Bakıda, Heydər Əliyev Mərkəzində Yeni Azərbaycan Partiyasının (YAP) VIII Qurultayı keçirilib.
Azərbaycan Respublikasının Prezidenti, Yeni Azərbaycan Partiyasının Sədri İlham Əliyev qurultayda nitq söyləyib. Prezident İlham Əliyev çıxışında Azərbaycanın ərazi bütövlüyü və suverenliyinin bərpası, YAP-ın ölkənin ictimai-siyasi həyatındakı rolu, Heydər Əliyev siyasi irsinin davam etdirilməsi və ölkənin beynəlxalq mövqelərindən danışıb. O, həmçinin milli təhlükəsizliyin və hərbi potensialın gücləndirilməsi, iqtisadi inkişaf, investisiyaların cəlbi, enerji və nəqliyyat imkanlarının genişləndirilməsi, Qarabağ və Şərqi Zəngəzurun bərpası, eləcə də qarşıda duran strateji vəzifələrə toxunub.
Qurultayda YAP İdarə Heyətinin 40 nəfərdən ibarət yeni tərkibi səsvermə yolu ilə təsdiqlənib. Gəncədən olan Milli Məclisin deputatları Musa Quliyev, Pərvin Kərimzadə və YAP Gəncə şəhər təşkilatının sədri Bayram Aslanov İdarə Heyətinin üzvləri seçiliblər