Mədəniyyət Nazirliyi, Şəki Şəhər İcra Hakimiyyəti, Azərbaycan Teatr Xadimləri İttifaqı və Şəki Dövlət Dram Teatrının dəstəyi ilə keçirilən festivalda Azərbaycan, Qazaxıstan, Özbəkistan və İranın teatr kollektivləri iştirak edir.
Azərbaycanı festivalda Şəki Dövlət Dram Teatrı və Dövlət Pantomim Teatrı təmsil edir.
Oktyabrın 1-də Şəki Dövlət Dram Teatrında festivalın açılış mərasimi keçirilib. Qonaqlar “Şəki teatrı – dünən və bu gün” adlı sərgi ilə tanış olublar.
Daha sonra keçirilən mətbuat konfransında artıq beşinci dəfə təşkill olunan festivalın əhəmiyyəti, teatr kollektivləri arasında yaradıcılıq əlaqələrinin genişləndirilməsi və səhnə sənətinin inkişafından bəhs olunub.
Açılış günündə Şəki Dövlət Dram Teatrı türkiyəli dramaturq Tuncer Cücenoğlunun “Uçqun” əsəri əsasında hazırlanan eyniadlı tamaşanı təqdim edib. Əməkdar incəsənət xadimi Mirbala Səlimlinin quruluş verdiyi tamaşada insanın daxili qorxu hissinə qalib gəlməsi mövzusu ön plana çəkilir.
“Şəki həmişə yüksək və qədim mədəniyyət məkanı olub. Memarlıqda, musiqidə, tətbiqi sənətdə, mətbəxdə və eyni zamanda teatrda bu ənənələr qorunub saxlanılıb və bu gün də davam etdirilir. 147 il klassik teatr üçün böyük və önəmli bir tarixdir. Biz 147-ci mövsümə V Şəki Beynəlxalq Teatr Festivalı ilə başlayırıq. Qazaxıstan, Özbəkistan və İrandan gələrək bayramımıza qoşulan dost teatr kollektivlərini salamlayır, onların hər birinə dərin təşəkkürümü bildirirəm”, – deyə rejissor media mənsubları ilə söhbətində bildirib.
Tamaşadan sonra V Şəki Beynəlxalq Teatr Festivalının təşkilində fəal iştiraka görə bir qrup şəxsə təşəkkürnamə və xatirə hədiyyəsi təqdim edilib.
Festivalın ikinci axşamı N.Bekejanov adına Kızılorda Vilayət Qazax Akademik Musiqili Dram Teatrı (Qazaxıstan Respublikası) rus dramaturqu Aleksandr Ostrovskinin “Tufan” pyesi əsasında hazırlanmış tamaşanı nümayiş etdirəcək.
Oktyabrın 3-də Azərbaycan Dövlət Pantomim Teatrı rus yazıçısı Nikolay Qoqolun “Şinel”i ilə səhnəyə çıxacaq.
İrandan gələn kollektiv – Ərdəbil Muğan Hünər Teatrı Arif Məhtabın “İçimdə bir Araz addımlayır” tamaşasını festivalın dördüncü günü göstərəcək.
Festivalın sonuncu günündə isə Özbəkistan Dövlət Gənc Tamaşaçılar Teatrı “Məsxərəboz-şou” tamaşasını təqdim edəcək.
Xəbər verdiyimiz kimi, 1-5 oktyabr tarixlərində Şəki teatrı bu il 147-ci mövsümə başlayır. Tarixi ənənələri olan mədəniyyət məbədi bu mövsümə də fərqli bir tempdə V Şəki Beynəlxalq Teatr Festivalı keçirilir.
Mədəniyyət Nazirliyi, Şəki Şəhər İcra Hakimiyyəti, Azərbaycan Teatr Xadimləri İttifaqı və Şəki Dövlət Dram Teatrının dəstəyi ilə keçirilən festivalda Azərbaycan, Qazaxıstan, Özbəkistan və İranın teatr kollektivləri iştirak edir.
Azərbaycanı festivalda Şəki Dövlət Dram Teatrı və Dövlət Pantomim Teatrı təmsil edir.
Oktyabrın 1-də Şəki Dövlət Dram Teatrında festivalın açılış mərasimi keçirilib. Qonaqlar “Şəki teatrı – dünən və bu gün” adlı sərgi ilə tanış olublar.
Daha sonra keçirilən mətbuat konfransında artıq beşinci dəfə təşkill olunan festivalın əhəmiyyəti, teatr kollektivləri arasında yaradıcılıq əlaqələrinin genişləndirilməsi və səhnə sənətinin inkişafından bəhs olunub.
Açılış günündə Şəki Dövlət Dram Teatrı türkiyəli dramaturq Tuncer Cücenoğlunun “Uçqun” əsəri əsasında hazırlanan eyniadlı tamaşanı təqdim edib. Əməkdar incəsənət xadimi Mirbala Səlimlinin quruluş verdiyi tamaşada insanın daxili qorxu hissinə qalib gəlməsi mövzusu ön plana çəkilir.
“Şəki həmişə yüksək və qədim mədəniyyət məkanı olub. Memarlıqda, musiqidə, tətbiqi sənətdə, mətbəxdə və eyni zamanda teatrda bu ənənələr qorunub saxlanılıb və bu gün də davam etdirilir. 147 il klassik teatr üçün böyük və önəmli bir tarixdir. Biz 147-ci mövsümə V Şəki Beynəlxalq Teatr Festivalı ilə başlayırıq. Qazaxıstan, Özbəkistan və İrandan gələrək bayramımıza qoşulan dost teatr kollektivlərini salamlayır, onların hər birinə dərin təşəkkürümü bildirirəm”, – deyə rejissor media mənsubları ilə söhbətində bildirib.
Tamaşadan sonra V Şəki Beynəlxalq Teatr Festivalının təşkilində fəal iştiraka görə bir qrup şəxsə təşəkkürnamə və xatirə hədiyyəsi təqdim edilib.
Festivalın ikinci axşamı N.Bekejanov adına Kızılorda Vilayət Qazax Akademik Musiqili Dram Teatrı (Qazaxıstan Respublikası) rus dramaturqu Aleksandr Ostrovskinin “Tufan” pyesi əsasında hazırlanmış tamaşanı nümayiş etdirəcək.
Oktyabrın 3-də Azərbaycan Dövlət Pantomim Teatrı rus yazıçısı Nikolay Qoqolun “Şinel”i ilə səhnəyə çıxacaq.
İrandan gələn kollektiv – Ərdəbil Muğan Hünər Teatrı Arif Məhtabın “İçimdə bir Araz addımlayır” tamaşasını festivalın dördüncü günü göstərəcək.
Festivalın sonuncu günündə isə Özbəkistan Dövlət Gənc Tamaşaçılar Teatrı “Məsxərəboz-şou” tamaşasını təqdim edəcək.