Daxili işlər naziri, general-polkovnik Vilayət Eyvazov noyabrın 11-12-də Gəncə şəhərində növbəti vətəndaş qəbulu və sıra baxışı keçirib.
Əvvəlcə Vilayət Eyvazov və Gəncə Şəhər İcra Hakimiyyətinin başçısı Niyazi Bayramov Ulu Öndər Heydər Əliyevin şəhərin Mərkəzi Meydanında ucaldılmış abidəsini ziyarət edərək önünə gül dəstələri düzüblər.
Nazir iki gün ərzində 379 vətəndaşı qəbul edərək onların müraciət və problemlərini dinləyib, qaldırılan məsələlərin həlli ilə bağlı müvafiq tapşırıqlar verib.
Müraciətlərin böyük əksəriyyəti yerindəcə həllini tapıb, əlavə araşdırma tələb edən məsələlər isə nəzarətə götürülüb.
Keçirilən sıra baxışında polis və Daxili Qoşunlarda xidmət etmək arzusunda olan 461 gənc seçim turunun növbəti mərhələsinə buraxılıb.
