“Əxlaq və davranış məsələsi önəmlidir. Bu gün ətrafımızda çox yaxşı gənclər var, özlərini idarə edə bilmirlər. Bu səbəbdən düzgün əxlaq, davranış, özünüidarəetmə məsələsi çox önəmlidir. Bu məsələlərdə vacib nüanslar var”.
Bu fikirləri deputat Ceyhun Məmmədov öz sosial şəbəkəsində açdığı canlı yayım zamanı səsləndirib.
Onun sözlərinə görə, təmkin, səbr, dürüstlük və kommunikasiya çox vacibdir:
“Tez-tez görürəm ki, potensiallı gənclər var. Amma onların davranışı onlara mane olur. Məsələn, kommunikasiya yoxdur, səbrsizdir, düzgün ünsiyyətə malik deyil. Bu mənada gənclərimizin bu məsələlərə də həssas yanaşması lazımdır. Çox savadlı, bilikli ola bilərsiniz, amma ola bilər ki, adam deyilsiniz. Çünki təhsil hər şey deyil. Yüksək davranışa malik olmaq lazımdır. Savadla yanaşı, əxlaq və davranış da çox önəmlidir. Tövsiyə edirəm ki, dürüstlüyünüzü, əxlaqınızı heç nəyə qurban verməyin. Hamımız anlamalıyıq ki, ən güclü silah davranışdır. Kütlədən biri olmağa çalışmayın, seçilmiş olun”.- deputat bildirib.