15 iyul 2026-cı il tarixdə YAP Masallı rayon təşkilatının təşkilatçılığı və AYB Lənkəran Bölməsinin dəstəyi ilə Təşkilatın Qərargahında tanınmıs şair, yazıçı və publisist Arif Fərzəlinin anadan olmasının 70 illiyi münasibətilə tədbir keçirilib.
Tədbirdə bölgə yazarları, rayon ziyalıları, partiya fəalları,yubilyarın dostları,ailə üzvləri iştirak etdilər.
Tədbiri giriş sözü ilə YAP Masallı rayon təşkilatının sədri Seyfəddin Əliyev açdı.Ərazi bütövlüyü uğrunda canlarından keçmiş şəhidlərimizin əziz xatirəsi yad edildi.
Şair,publisist Əlizaman Baxış yubilyarın həyat və yaradıcılığı barədə geniş məruzə edib.
Tədbirdə AYB Lənkəran Bölməsinin sədri, yazıçı, dramaturq Qafar Cəfərli, AMEA Ədəbiyyat İnstitutunun şöbə müdiri, professor Vaqif Yusifli, şairlər Ağamir Cavad, Xanəli Tolış, Camal Lələzoə, Məmməd Əvəzoğlu, Rafiq Məmmədov, yazıçı Alik Nağıoğlu , Masallı Dövlət Regional Kollecinin direktoru Rövşən Qurbanov, əməkdar jurnalist, yazıçı və tərcüməçi Zakir Abbas, “Yeni həyat” qəzetinin baş redaktoru Əlihüseyn Şükürov, AJB Masalli rayon təşkilatının sədri Akif Ağayev , təhsil işçiləri adından Soltanağa Cəfərov, “Cənubun səsi” portalının təsisçisi və baş redaktoru Mərhəmət Lələyev, “Fakt info” portalının təsisçisi və baş redaktoru Cəfər Cəfərov, Rayon Mərkəzi Kitabxanasının direktoru Zamin Məmmədov, Mədəniyyət işçiləri Həmkarlar ittifaqının rayon komitəsinin sədri Vəkil İsmayılov çıxış edərək Arif Fərzəli və onun yaradıcılığı ilə bağlı fikir və düşüncələrini bölüşdülər. Onun qələmindən çıxan bütün şeirlərin çoxsaylı oxucular tərəfindən sevildiyini və yaradıcılığı ilə ədəbiyyatımızı daha da zənginləşdirdiyini qeyd etdilər.
Tanınmış şair Əli Nəcəfxanlı və Rəsmiyyə Sabir onlayn qaydada yubilyarı təbrik etdilər.
Tədbirdə Yubilyara ćox saylı hədiyyələr, Fəxri Fərman və Diplomlar təqdim edildi .
Kollej tələbələrinin və yubilyarın nəvələri tərəfindən şairin şeirlərinin ifası tədbir iştirakçıları tərəfindən alqışlarla qarşılandı.
Sonda yubilyar Arif Fərzəli çıxış edərək tədbirin təşkilatçılarına və iştirakçılarına minnətdarlığını bildirdi.
Tədbir xatirə şəkilləri çəkilməklə sona yetdi.
