Daşkənddə Özbəkistan-Azərbaycan IV Regionlararası Forumu keçirilir. Tədbir iki ölkə arasında regionlararası əməkdaşlığın inkişafına həsr olunub.
Forumda Özbəkistan və Azərbaycanın dövlət qurumlarının, investisiya və ixrac agentliklərinin, eləcə də regionların nümayəndələri iştirak edirlər.
Forumun plenar iclasında Özbəkistanın investisiyalar, sənaye və ticarət naziri Laziz Qudratov, Azərbaycanın iqtisadiyyat naziri Mikayıl Cabbarov, iki ölkənin investisiya və ixrac agentliklərinin nümayəndələri, eləcə də Özbəkistan və Azərbaycan regionlarının təmsilçiləri çıxış ediblər.
Gəncə Şəhər İcra Hakimiyyətinin başçısı Niyazi Bayramov da sözügedən forumda iştirak edir.
Tədbir çərçivəsində ikitərəfli sənədlərin imzalanması və B2B, G2B formatlarında görüşlər də keçiriləcək.
