Məlum olduğu kimi, Gəncə Şəhər İcra Hakimiyyəti başçısının müavini Adil Tağıyev və “Gəncə Avtomobil Zavodu” İstehsalat Birliyinin direktoru Kamran Nəzərov Belarus Respublikasının Qomel şəhərində keçirilən XX Qomel İqtisadi Forumunda iştirak edirlər.
Forum çərçivəsində təşkil olunan tədbirlər zamanı Adil Tağıyev və Kamran Nəzərov Böyük Vətən Müharibəsində həlak olanların xatirəsinə ucaldılmış abidəni ziyarət edərək önünə gül dəstələri düzüblər.
Eyni zamanda, Adil Tağıyev Qomel şəhərinin meri Ruslan Parxamoviçlə görüşüb. Görüş zamanı o, Gəncə Şəhər İcra Hakimiyyətinin başçısı Niyazi Bayramovun salamlarını və xoş arzularını çatdırıb.
Səmimi şəraitdə keçən görüşdə Gəncə ilə Qomel arasında mövcud qardaşlaşmış şəhər əlaqələrindən bəhs olunub, qarşılıqlı münasibətlərin daha da genişləndirilməsi istiqamətində fikir mübadiləsi aparılıb.
Qeyd edək ki, XX Qomel İqtisadi Forumu illərdir beynəlxalq ticarət-iqtisadi və investisiya əməkdaşlığının aktual məsələlərinin müzakirə olunduğu, regionlararası və kooperasiya əlaqələrinin genişləndirildiyi nüfuzlu platformalardan biri hesab olunur.
Y