Gəncə Dövlət Filarmoniyasında V Gəncə Kitab Sərgisi keçirilir. Sərgi noyabr ayının 13-dən başlayaraq bu günə kimi davam edir.
Üç gündür davam edən sərgidə müxtəlif nəşriyyatların kitabları nümayiş olunub, oxucular, kitabsevərlər və ədəbiyyat həvəskarları üçün zəngin ədəbi mühit yaradılıb. Sərgi çərçivəsində iştirakçılar müxtəlif kitablarla tanış olmaq, sevdikləri əsərləri əldə etmək və yeni müəllifləri kəşf etmək imkanı qazanıblar.
V Gəncə Kitab Sərgisi Azərbaycan Respublikasının Mədəniyyət Nazirliyi, Gəncə Şəhər İcra Hakimiyyəti, Azərbaycan Respublikasının Elm və Təhsil Nazirliyi, Gəncə-Daşkəsən Regional Təhsil İdarəsi, Azərbaycan Dövlət Aqrar Universiteti və Azərbaycan Nəşriyyatlar Assosiasiyasının təşkilatçılığı ilə keçirilir.
Qeyd edək ki, sərgi noyabrın 13 – dən bu günədək hər gün saat 10:00-dan 19:00-dək ziyarətçilər üçün açıqdır.

