“Çıxış balı” anlayışı yanlışdır. Qəbul həmin il, həmin universitet və həmin ixtisas üzrə formalaşan müsabiqənin nəticələrinə əsasən aparılır”.
Bunu Peşə Təhsili üzrə Dövlət Agentliyinin direktoru İlqar Bayramlı media üçün təşkil olunan brifinqdə bildirib.
“Məsələn, hər hansı ixtisas üzrə 20 plan yeri varsa, qəbul da müsabiqədə ilk 20 yeri tutan namizədlər arasında aparılır. Burada əsas meyar namizədin topladığı bal deyil, müsabiqədə tutduğu yerdir.
Tutaq ki, sıralamada 20-ci yerdə olan namizəd 50 bal toplayıb. Bu halda həmin ixtisas üzrə qəbul üçün formalaşan ən aşağı bal 50 olur. Lakin 21-ci yerdə qərarlaşan namizəd 70 bal toplasa belə, o ixtisasa qəbul olunmayacaq. Çünki qəbul bala görə deyil, müsabiqədə tutulan yerə əsasən həyata keçirilir.
Yəni bizdə ayrıca “çıxış balı” anlayışı yoxdur. Hər hansı ixtisas üzrə müsabiqədə ilk yerləri tutan namizədlər qəbul olunurlar”, – deyə o qeyd edib.