“Hansı ixtisaslar üzrə plan yerləri boş qalırsa, həmin yerləri yenidən elan edir, siyahını namizədlərə təqdim edirik. Namizədlər də növbəti turda məhz həmin boş qalan yerlər üzrə seçim edə bilirlər”.
Bu fikirləri Peşə Təhsili üzrə Dövlət Agentliyinin direktoru İlqar Bayramlı media üçün təşkil olunan brifinqdə səsləndirdi.
“Əgər həmin mərhələdə də bütün plan yerləri dolarsa, qəbul prosesi başa çatır. Yox, əgər yenə boş yerlər qalarsa, üçüncü tur elan olunur və qəbul prosesi həmin mərhələdə davam etdirilir.
Yəni turların sayı boş qalan plan yerlərinin olub-olmamasından asılıdır. Bizim əsas hədəfimiz isə birinci turda mümkün qədər bütün plan yerlərinin dolmasını təmin etməkdir”, – deyə direktor bildirdi.