“Uşaqların daha bacarıqlı olması üçün valideynlərə səslənirəm: uşaqlar yaxşı yeməli, yaxşı yatmalıdır.”
Etmtv.space xəbər verir ki, bu fikirləri elm və təhsil nazirinin müavini Firudin Qurbanov Elm və Təhsil Nazirliyi, Təhsil İnstitutu və Məktəbəqədər və Ümumi Təhsil üzrə Dövlət Agentliyinin təşkilatçılığı ilə keçirilən “BilBacar” müsabiqəsinin 2025/2026-cı tədris ili üzrə qaliblərinin mükafatlandırılması tədbirində səsləndirib.
“Bir dəfə bu fikri Lənkəranda səsləndirdim. Dördüncü sinif şagirdi durdu, mənə dedi ki, bəs mən bu gün gec yatmışam. Dedim: “Saat neçədə?” Dedi: “Gecə saat 2-də.” Yox e, elə-belə demirəm. Dedim niyə, bəlkə telefona, televizora çox baxmısan? Dedi hə, bir az çox baxmışam. Cavab verdim ki, bəs görürsən, ona görə yuxuya gedə bilməmisən. Sən səhər saat 8-də dərsdə olmalısan. Gəlib dərsdə necə mənimsəyəcəksən, necə bilikləri dinləyəcəksən?
İkinci, deməli, yaxşı yatmaqdır. Üçüncü, bədəni təmiz saxlamaq. Bəzən uşaqlarımız onu xoşlamırlar. Dördüncü, idmanla, fiziki tərbiyə ilə məşğul olmaq. Nəhatət sonuncu, yaxşı fikirləşmək. Hansı işi görürsünüzsə, əvvəl yaxşı fikirləşin, düşünün, sonra o hərəkəti edin. Görün, o sizə xeyir gətirəcək, yoxsa ziyan gətirəcək”, – deyə o vurğulayıb.