Əvvəllər də qeyd etdiyimiz kimi “Məktəblərdə təhsil dayana bilər- Müşavirdən şok açıqlama” başlıqlı yazılar oxucularda və ictimaiyyət arasında şok effekti yaradıb. Buna səbəb İncəsənət sahəsində atesstasiyadan keçən müəllimlərin sayının çox az olması faktıdır.
Bu fikirləri mədəniyyət nazirinin müşaviri Cəsarət Valehovun Milli Məclisdə “İncəsənət məktəblərinin mövcud vəziyyəti və inkişaf perspektivləri” mövzusunda keçirilən ictimai dinləmədə çıxışı zamanı deyib.
Nazir müşaviri onu da təəssüflə qeyd edib ki, regionlarda incəsənət sahəsində təhsilverənlərin böyük əksəriyyəti atesstasiyadan keçə bilməyib.
“Məsələn Yevlax rayonunda hər iki müəllimdən biri, digər bölgələrdə isə üç nəfərdən biri atesstasiyadan keçə bilməyib. Müəllimlərin çoxu atesstasiyadan sıfır faiz toplayıb”,- o qeyd edib.
O əlavə edib ki, indiyədək incəsənət sahəsində 6 min təhsilverən atesstasiyadan keçib və qarşıdakı müddətdə daha 6 min müəllim atesstasiyadan keçəcək. “Amma atesstasiyanın nəticələri ürəkaçan deyil. Çünki bu sahədə dərs deyənlərin əksəriyyəti ali təhsilli deyil. Onların əksəriyyəti orta və orta texniki səviyyədədir.
Digər mühüm məqam isə müəllimlərin iş saatından xəbərinin olmamasıdır. Əgər bu sahədə ciddi və təxirəsalınmaz tədbirlər görülməzsə qarşıdakı illərdə ciddi problemlərlə üzləşə bilərik. Addımlar atılmasa incəsənət məktəblərində təhsil dayana bilər. Bu, həyəcan siqnalı olmalıdır”-müşavir qeyd edib.
İndi soruşan gərək:- Bəs bu illər ərzində incəsənət və musiqi məktəblərində baş verən olaylara niyə göz yumulub? Milyonlarla (bəlkə də milyardlarla) dövlət vəsaiti mənimsənilib, kim gəldi işə götürülüb, nə qədər insanın haqqına girilib, mədəniyyətimiz ələ salınıb… Siz onda hardaydınız bəs? Yazılan məqalələrə, göndərilən sorğulara heç vaxt cavab verilməzdi, haqlı şikayətlərə məhəl qoyulmazdı, soruşulan ən sadə suala belə onlardan cavab ala bilməzdin, sanki, hərbi sirri qoruyurdular.-sosial şəbəkədə biz nazirlik rəsmilərindən soruşmuşuq.
Bu da axırı.
Bunlar axı niyə baş verib? Bundan sonra da belə hallar baş verəcəkmi?
Gəncə şəhərində fəaliyyət göstərən incəsənət və ya musiqi məktəblərində baş verənlər daha böyük suallar doğurur. Uzun illər ərzində baş verənlərə münasibətimizi bildirməyə çalışsaq da qarşısı müxtəlif bəhanələrlə alınmış, müxtəlif bəhanələrlə proseslərin başqa istimatə yönəldilməsinə cəhd edilmişdir.
Əslində Uşaq Musiqi Məktəblərində, Gəncə Uşaq İncəsənət Məktəbində nələr baş verib?
Nələr baş verməyib ki? Əgər Mədəniyyət Nazirliyinin rəsmilərinin verdiyi açıqlamalarına inansaq, musiqi və incəsənət məktəblərində savadsız, qabiliyyətsiz, əsassız surətdə işə götürülən çoxlu sayda müəllimlər var. Bəs bu müəllimlər hansı əsasla işə cəlb edilmişlər və məqsəd nə olmuşdur. Düşünürəm ki, bu iqtisadi cinayətkarlıqdan və milli mədəniyyətimizə qarşı edilən təxribatdan başqa bir şey deyildir. Hələ vaxtilə Gəncə Uşaq İncəsənət Məktəbinə və Gəncə şəhərində fəaliyyət göstərən Uşaq Musqi Məktəblərinə göndərdiyimiz rəsmi sorğulara hələ də bir cavab yoxdur. Olmayacaq da. Çünki, gəzən şaiyələrə görə milyonluq yeyintilərə yol verən bu məktəblərin direktorları bu dövlətin bütün qanunlarına qoz qabığı qədər də qiymət qoymamışlar (və hələ də vəzifə başındadırlar). Əvəzində saxta yolla işə götürülən bu müəllimlərə dərs saatı pulla satılmış və imtahanlar zamanı rüşvət ayaq açmışdır.
Suallar çoxdur. Onlardan biri də budur: – Bu illər ərzində bu cinayətkarlığa niyə göz yumulmuşdur. Rəsmilər əziyyət çəkib cavab versinlər.
Ruhulla Zahidov, yazıçı-jurnalist.
