Mədəniyyət naziri Adil Kərimlinin müvafiq əmri ilə Əməkdar mədəniyyət işçisi Hacıyev Ədalət Qasım oğlu Gəncə Dövlət Milli Dram Teatrına direktor təyin edilib. Bununla əlaqədar olaraq Gəncə Şəhər İcra Hakimiyyətinin başçısı Niyazi Bayramov onunla görüş keçirib. Görüşdə Gəncə-Daşkəsən Regional Mədəniyyət İdarəsinin rəisi Nail Məmmədov da iştirak edib.
Söhbət zamanı Prezident İlham Əliyevin və Birinci vitse-prezident Mehriban xanım Əliyevanın ölkə mədəniyyətinə, o cümlədən teatr sahəsinə göstərdikləri diqqət və qayğıdan danışılıb. Qeyd olunub ki, dövlət tərəfindən mədəniyyət müəssisələrinə göstərilən dəstək teatrların inkişafında mühüm rol oynayır.
Sonda Niyazi Bayramov Ədalət Hacıyevi yeni vəzifəyə təyin olunması münasibətilə təbrik edib və gələcək fəaliyyətində uğurlar arzulayıb.
Qeyd edək ki, Ədalət Hacıyev uzun illər Səməd Vurğun adına Azərbaycan Dövlət Akademik Rus Dram Teatrına rəhbərlik edib.