Gəncə-Daşkəsən Regional Mədəniyyət İdarəsinin dəstəyi, Gəncə MKS-nin təşkilatçılığı ilə təşkil olunmuş tədbir Qarabağ müharibəsi qəhrəmanlarından biri, qazi Ağayev Vasif Asif oğluna həsr olunmuşdu.
Tədbirə şəhid anaları, qazilər, ictimaiyyət nümayəndələri dəvət olunmüşdü. Tədbiri giriş sözü ilə açan Gəncə şəhəri Mərkəzi Kitanxananın şöbə müdiri Aidə Abdullayeva Azərbaycanın İkinci Qarabağ, 44 günlük Vətən müharibəsi zamanı möhtəşəm qələbə qazanması, uzun illərdən bəri Ermənistanın işğalı altında olan tarixi torpaqlarımızın azad olunması, ölkəmizin ərazi bütövlüyünün və tarixi ədalətin bərpa edilməsi, heç şübhəsiz, xalqımızın çoxəsirlik dövlətçilik tarixinin ən şərəfli səhifələrindən biri olduğunu bildirdi.
– Rəşadətli Azərbaycan əsgər və zabitləri addım-addım irəliləyərək, Ermənistanın uzun illər ərzində qurduğu mühəndis-istehkam sistemlərini yarıb keçdilər, torpaqlarımız qəhrəman əsgər və zabitlərimizin, şəhidlərimizin qanı və canı bahasına azad edildi. Ordumuzun işğalçı erməni ordusuna qarşı apardığı bu 44 günlük müharibə milli şüurun, xalq və ordu birliyinin təcəssümünə çevrildi. O günlərdə hər kəs Vətən fədaisi oldu.Vətənimizin hər bir bölgəsində xalqımıza məxsus olan milli qürur, əyilməzlik kimi keyfiyyətlər özünü ən yüksək səviyyədə biruzə verdi. Xalqımızın minlərlə igid oğlu döyüşən orduya könüllü olaraq yazıldı, onların çoxu əzəli torpaqlarımız uğrunda gedən döyüşlərdə mətinlik, cəsarət və əsgəri rəşadət göstərərək, adını tarixə yazdı. Xalqımız öz cəsarəti və igidliyi ilə Vətən torpağını azad edən bu oğulların fəaliyyətini yüksək qiymətləndirir. – Aida müəllimə qeyd etdi.
Sonra söz “Qalib əsgərin hekayəti” kitabının müəllifi Ruhulla Əsgər oğlu Zahidova verildi. Ruhulla müəllim kitabın yazılma tarixi və kitabda hekayətləri yer almış qazilərimiz – həmçinin Vasif Asif oğlu Ağayev haqqında geniş məlumat verdi.
-Həmin günlərdə xalqımız Ali Baş Komandanın ətrafında sıx birləşərək, uzun illərdən sonra doğma torpaqlarımızda yenidən üçrəngli şanlı bayrağımızın ucaldılmasında, mənfur düşmən ilə aparılan müharibənin Azərbaycan Ordusunun, Xalqımızın zəfəri ilə başa çatmasında özünəməxsus rol oynadı.-Bayram Apoyev çıxışında bu qələbədə qəhrəmanlarımız olan şəhid və qazilərimizin böyük əməyini xüsusilə vurğuladı.-Prezident İlham Əliyevin həyata keçirdiyi güclü dövlət, güclü ordu strategiyası torpaqlarımızın işğaldan azad olmasının ən başlıca səbəbidir. Azərbaycan xalqı bundan sonra da öz liderinə böyük etimad göstərərək, yumruq kimi Azərbaycan Prezidentinin ətrafında birləşəcək, Vətən müharibəsində qazandığımız qələbə Azərbaycan tarixində əbədi qalacaqdır.- Gəncə Dövlət Universitetinin dosenti, Nizamişünas alim Bayram Apoyev qeyd etdi.
Tədbirdə şəhid anaları və qazilər öz ürək sözlərini söylədilər və tədbirin təşkilatçılarına belə bir görüşün təşkil edilməsinə görə öz minnətdarlığını bildirdilər.
Tədbirdə dəvət almış gənc musiqiçilərin ifaları görüşə xüsusi rəng qatdı.
Sonda xatirə şəkilləri çəkildi.
