Gəncədə “Şans Karvanı–2” Yay Festivalı keçiriləcək
Gəncə şəhərində sakinlər və şəhərin qonaqları üçün maraqlı əyləncə proqramı təşkil olunacaq. “Azərlotereya” ASC-nin təşkilatçılığı ilə keçirilən “Şans Karvanı–2” Yay Festivalı iyunun 21-də Gəncə şəhərində baş tutacaq.
Festival çərçivəsində iştirakçılar üçün müxtəlif əyləncəli oyunlar, müsabiqələr, interaktiv fəaliyyətlər və sürpriz hədiyyələr nəzərdə tutulub.
Yay Festival 21 iyun 2026-cı il tarixdə saat 17:00-da, Heydər Əliyev adına Meydanda (Gəncə Şəhər İcra Hakimiyyətinin qarşısı) baş tutacaqdır.
Şəhər rəhbərliyi Gəncə sakinlərini və şəhərin qonaqlarını bu maraqlı tədbirdə iştirak etməyə dəvət edir.
Onu da qeyd etmək yerinə düşərdi ki, Şans oyunlarında iştirak yalnız 18 yaşdan yuxarı şəxslər üçün nəzərdə tutulub.