Azərbaycan Respublikasının Prezidenti İlham Əliyevin 2026-cı il oktyabrın 13-də Laos Xalq Demokratik Respublikasının Prezidenti Thonqlun Sisulitin Azərbaycana rəsmi səfəri zamanı mətbuata verdiyi bəyanat iki ölkə arasında ikitərəfli münasibətlərin inkişaf perspektivlərini əks etdirir. Prezident İlham Əliyev çıxışında Azərbaycan ilə Laos arasında uzun illərdir davam edən dostluq münasibətlərinin, siyasi dialoqun və beynəlxalq təşkilatlar çərçivəsində qarşılıqlı dəstəyin əhəmiyyətini vurğulayıb. Dövlət başçısı qeyd edib ki, ölkələr arasında diplomatik əlaqələrin mövcudluğu əməkdaşlığın genişləndirilməsi üçün möhkəm zəmin yaradır.
Bəyanatda Azərbaycan–Laos münasibətlərinin yalnız siyasi və parlamentlərarası əlaqələrlə məhdudlaşmaması, iqtisadi sahədə də yeni imkanların reallaşdırılması zərurəti ön plana çəkilib. Prezident İlham Əliyev ticarət dövriyyəsinin artırılması, nəqliyyat və yükdaşımaların genişləndirilməsi, enerji, dağ-mədən sənayesi və kənd təsərrüfatı sahələrində əməkdaşlığın gücləndirilməsinin vacibliyini bildirib. Bu istiqamətlər üzrə konkret layihələrin həyata keçirilməsi hər iki ölkənin iqtisadi potensialından daha səmərəli istifadə edilməsinə və qarşılıqlı faydalı əlaqələrin inkişafına töhfə verə bilər.
Azərbaycan və Laos arasında qəbul edilmiş Birgə Bəyanat, eləcə də kənd təsərrüfatı sahəsində əməkdaşlığa dair Anlaşma Memorandumu ikitərəfli münasibətlərin praktiki məzmununun genişləndirilməsi baxımından əhəmiyyət daşıyır. Təhsil, turizm, mədəniyyət və investisiya sahələrində əməkdaşlığın inkişafı da xalqlar arasında qarşılıqlı anlaşmanın möhkəmlənməsinə xidmət edir. Beləliklə, Prezident İlham Əliyevin bəyanatı Azərbaycan ilə Laos arasında ənənəvi dostluq münasibətlərinin yeni əməkdaşlıq istiqamətləri ilə zənginləşdirilməsinə, iqtisadi əlaqələrin genişləndirilməsinə və gələcək tərəfdaşlıq üçün əlverişli imkanların yaradılmasına yönəlmiş mühüm mesajlarla yadda qalıb.
Rzayeva Mehriban Elman
Gəncə şəhəri 45 nömrəli xüsusi ümumtəhsil məktəbin direktoru