Gəncə şəhərinin üç məzunu yüksək akademik nailiyyətləri ilə fərqlənərək Azərbaycan Respublikası Prezidentinin təqaüdünə layiq görülüb.
Prezident təqaüdünə layiq görülən məzunlardan Əli Eldar oğlu Mehdiyev Gəncə şəhər Fizika, riyaziyyat və informatika təmayüllü liseyin məzunudur. O, qəbul imtahanlarında 692,1 bal toplayaraq Azərbaycan Diplomatik Akademiyasının Elektrik və elektronika mühəndisliyi ixtisasına qəbul olub.
Gəncə şəhəri M. C. Paşayev adına 39 nömrəli tam orta ümumtəhsil məktəbinin məzunu Əsmər Rəsulova 689 balla Azərbaycan Tibb Universitetinin Müalicə işi ixtisasına qəbul olunub.
M. Mehdizadə adına 4 nömrəli xarici dillər təmayüllü məktəb-liseyin məzunu Süleyman Əliyev isə 686 bal toplayaraq Azərbaycan Tibb Universitetinin Müalicə işi ixtisasına qəbul olub.
Məzunların bu uğuru onların əzmkarlığının, məqsədyönlü fəaliyyətinin və yüksək akademik göstəricilərinin nəticəsidir. Bu nailiyyət, eyni zamanda, müəllimlərin fədakar əməyinin və təhsil müəssisələrində formalaşmış keyfiyyətli təhsil ənənələrinin bariz göstəricisidir.
