Müəllimlərin işə qəbulu üzrə müsabiqənin müddətsiz müqavilə ilə ümumi vakansiya seçimi mərhələsinə başlanılır.
Etmtv.space xəbər verir ki, ümumi vakansiya seçimi avqustun 12-də saat 15:00-dan etibarən başlayacaq.
Məlumata görə, namizədlər elektron ərizə formasında ən çoxu 8 vakant yer seçə bilərlər. Vakant vəzifələrə yerləşdirilmə namizədin seçimlərdə göstərdiyi ardıcıllıq nəzərə alınmaqla həyata keçiriləcək.
Qeyd edək ki, namizəd seçdiyi vakant yerə yerləşdirildikdən sonra həmin yerdən imtina edərsə, müsabiqənin növbəti vakansiya seçimi mərhələlərində iştirakı təmin olunmayacaq.
Ümumi vakansiya seçimi prosesi avqustun 15-də saat 15:00-dək davam edəcək.
Bundan əlavə, avqustun 8-dən keçirilən və faktiki yaşayış rayonuna uyğun həvəsləndirmə tədbirlərinin tətbiq olunduğu ümumi təhsil müəssisələri üzrə vakansiya seçimi mərhələsi avqustun 10-da saat 11:00-da başa çatıb.