Elm və təhsil naziri Emin Əmrullayev bu gün Yevlax, Ucar, Mingəçevir, Göyçay, Ağdaş, Kürdəmir və Zərdab rayonları üzrə bir qrup qabaqcıl təhsil işçisi ilə görüş keçirib.
Nazir bu barədə feysbuk hesabında yazıb.
Görüş zamanı müasir pedaqoji yanaşmaların tətbiqinin vacibliyi vurğulanıb, tədris prosesində şagirdyönümlü metodların istifadəsi, tənqidi düşünmə və əməkdaşlıq bacarıqlarının formalaşdırılmasının önəmi qeyd edilib.
Eyni zamanda tədris prosesinin təşkili, metodiki dəstəyin gücləndirilməsi, ibtidai siniflərdə təlimin keyfiyyəti, dərsliklərlə bağlı mövcud vəziyyət, eləcə də digər aktual məsələlər ətrafında fikir mübadiləsi aparılıb, rəy və təkliflər səsləndirilib.