Professor İbrahim Cəfərovun anadan olmasının 70 illiyi münasibətilə təşkil olunmuş yubiley tədbiri ictimaiyyət nümayəndələrinin iştirakı ilə keçirilib. Tədbirdə Qarabağ Qaziləri İctimai Birliyinin Gəncə filialının sədri Eyvaz Hüseynov və filialın mətbuat xidmətinin rəhbəri Ceyhun Əliyev də iştirak ediblər.
Yubiley mərasimində professor İbrahim Cəfərovun elmi-pedaqoji fəaliyyəti, Azərbaycan elminin inkişafına verdiyi töhfələr, uzun illər ərzində yetişdirdiyi kadrlar və cəmiyyət üçün gördüyü işlər xüsusi vurğulanıb. Çıxış edənlər alimə möhkəm can sağlığı, uzun ömür və yeni elmi uğurlar arzulayıblar.
Qarabağ Qaziləri İctimai Birliyinin Gəncə filialının nümayəndələri də yubilyarı təbrik edərək, onun elm və təhsil sahəsindəki xidmətlərinin gənc nəslin formalaşmasında mühüm rol oynadığını qeyd ediblər. Bildirilib ki, ziyalıların cəmiyyətdə nüfuzunun qorunması və təbliği milli-mənəvi dəyərlərin yaşadılması baxımından xüsusi əhəmiyyət daşıyır.
Tədbir xatirə şəkillərinin çəkdirilməsi və səmimi ünsiyyət şəraitində davam edib.
Qarabağ Qaziləri İctimai Birliyinin Gəncə filialının mətbuat xidməti
