Gəncədə fəaliyyət göstərən universitetlər – Gəncə Dövlət Universiteti (GDU), Azərbaycan Dövlət Aqrar Universiteti (ADAU) və Azərbaycan Texnologiya Universiteti (ATU) – Azərbaycan Tələbə Gənclər Təşkilatı İttifaqı (ATGTİ) tərəfindən “Yenilikçi və İnkişaf Mükafatı”na layiq görülüblər.
Universitet rektorları ilə görüşlər zamanı gənclərin inkişafı, onların sosial və akademik fəallığının artırılması, yeni ideya və təşəbbüslərin dəstəklənməsi, həmçinin ATGTİ ilə əməkdaşlıq imkanları müzakirə olunub. Hər üç rektor dövlətin gənclər siyasətinin əhəmiyyətini vurğulayaraq universitetlərdə innovativ layihələrin davam etdiriləcəyini qeyd ediblər.
Sonda mükafatlar hər universitetin rektoruna təqdim olunub.
