Gəncə-Daşkəsən Regional Mədəniyyət İdarəsinin tabeliyində olan Mir Cəlal Paşayev Ev Muzeyinin təşəbbüsü və təşkilatçılığı, Samux rayon Qarayeri qəsəbə Uşaq Musiqi Məktəbinin dəstəyi ilə yel çərşənbəsi münasibətilə konsert keçirilib.
Konsertdə bir sıra yazıçı, şairlər şəhid anaları, mədəniyyət işçiləri qonaq qismində iştirak ediblər.
Tədbirin aparıcısı vətən uğrunda canlarından keçən şəhidlərin ruhunu bir dəqiqəlik sükutla yad edildikdən sonra tədbiri açıq elan etdi. Qədim Novruz bayramının tarixindən , adət ənənələri haqda məlumat verdi.
Qarayeri qəsəbə UMM -nin müəllim və şagirdləri rəngarəng bayram əhval-ruhiyyəsində musiqi nömrələri səsləndirdi.Sonra Məktəbin direktoru Təvəkgül Hüseynli çıxış edərək, başda şəhid anaları olmaqla tədbir iştirakçılarını təbrik etdi.
Tədbirin sonunda Mir Cəlal Paşayev Ev Muzeyinin direktoru İradə Paşayeva çıxış edərək, tədbir iştirakçılarına öz təşəkkürünü bildirdi.
