Elm və təhsil naziri Emin Əmrullayev orta məktəblərdə tənəffüs vaxtının qısa olması ilə bağlı msələyə aydınlıq gəririb.
Nazir bunu media üçün keçirdiyi brifinqdə tənəffüs vaxtlarının müəyyənləşdirilməsinin məktəblərin ixtiyarına buraxılmalı olduğunu bildirib . Onun sözlərinə görə, məktəb öz vəziyyətinə baxıb bununla bağlı qərar verə bilər.
“Hesab edirəm ki, bu məsələdə məktəb və valideynlərin iştirakı ilə qərar qəbul edilməlidir. Tənəffüslərin qısa olması isə ikinövbəli məktəblərdə şagirdlərin məktəbdə qalma müddətinin uzanması ilə bağlıdır. Əgər valideynlər istəyirsə, dərs 9-da başlasın, başlaya bilər. Bizim üçün tənzimləyici qurum olaraq dərsin 8-də və ya 9-da başlamasının fərqi yoxdur. Məktəb öz vəziyyətinə baxıb qərar verə bilər”, – deyə E.Əmrullayev bildirib.