Gəncə Dövlət Universitetinin “Ümumi texniki fənlər və texnologiya” kafedrasının müdiri, dosent Elçin Cavadov ali məktəb tələbələri üçün hazırladığı “Materiallar müqaviməti” və yenidən işlənmiş ikinci nəşr olan “STEAM” dərs vəsaitlərini “Müəllim” nəşriyyatında nəfis tirajla çap etdirmişdir. Hər iki nəşr yalnız tələbələr üçün deyil, həm də müəllimlər, mühəndis və texniki sahə üzrə peşəkar mütəxəssislər üçün əvəzsiz resursdur. Bu kitablar universitetin elmi-pedaqoji fəaliyyətini nümayiş etdirir və texniki, innovativ təhsilin inkişafına mühüm töhfələr verir.
“Materiallar müqaviməti” adlı dərs vəsaiti mühəndislik ixtisasları üzrə fundamental təhsil mənbəyidir və tələbələrin nəzəri biliklərini praktik bacarıqlarla birləşdirir. Kitabda deformasiya, gərginlik, möhkəmlik, elastiklik, plastiklik, zərbə möhkəmliyi, burulma, əyilmə və kəsilmə kimi mühəndislik anlayışları elmi əsaslarla və sistemli şəkildə izah olunur. Mürəkkəb nəzəri məsələlər tələbələrin rahat qavraması üçün addım-addım təqdim edilir və real mühəndislik nümunələri ilə dəstəklənir. Kitab həmçinin mühəndislik hesablamaları, laboratoriya işləri, ölçmə metodları və avadanlıqlarla iş qaydalarını təqdim edir, tələbələrin həm nəzəri, həm də praktik biliklərini möhkəmləndirir. Müasir standartlara uyğun hazırlanmış bu dərs vəsaiti beynəlxalq təcrübəyə əsaslanmış və tələbələrin qlobal texniki biliklərə əsaslanan peşəkar yanaşma formalaşdırmasına xidmət edir.
Yenidən işlənmiş ikinci nəşr “STEAM” adlı dərs vəsaiti isə müasir təhsilin innovativ istiqamətlərini öyrətmək üçün nəzərdə tutulmuşdur. Kitab STEAM (Science, Technology, Engineering, Art, Mathematics) təhsil modelinin mahiyyətini, inteqrativ və yaradıcı öyrənmə yanaşmalarını, problem əsaslı təlim metodlarını elmi əsaslarla izah edir. Orta və ali təhsil səviyyələri üçün Azərbaycan dilində yeganə dərs vəsaiti olaraq, ölkəmizdə STEAM təhsili üzrə əsas boşluğu doldurur. Müəllimlər üçün dərs nümunələri, layihələrin hazırlanma mərhələləri, laboratoriya işləri, innovativ texnologiyaların tətbiqi, robototexnika və rəqəmsal bacarıqlar təqdim olunur. Tələbələr isə nəzəri bilikləri praktik fəaliyyətlə birləşdirərək, layihələr üzərində işləmə bacarıqlarını və yaradıcı düşünmə qabiliyyətini inkişaf etdirirlər. Yenilənmiş məzmun müasir təhsil tələblərinə uyğunlaşdırılmış və dünya təcrübəsini əhatə edir, kitabı innovativ və tətbiqyönümlü tədris vasitəsi kimi ön plana çıxarır.
Hər iki dərs vəsaiti Gəncə Dövlət Universitetinin təhsil strategiyasında keyfiyyətin artırılması, innovativ və tətbiqyönümlü təhsil resurslarının yaradılması istiqamətində mühüm addımdır. “Materiallar müqaviməti” tələbələrin mühəndislik təfəkkürünü formalaşdırır, praktik bacarıqlarını inkişaf etdirir və onları gələcək mühəndis kimi hazırlayır. “STEAM” isə bütün təhsil səviyyələri üçün yaradıcı, inteqrativ və tətbiqyönümlü təhsilin təşviqinə xidmət edir.
Dosent Elçin Cavadovun bu nəşrləri universitetimizin elmi-pedaqoji potensialını nümayiş etdirir, eləcə də texniki və pedaqoji təhsil sahəsində peşəkar kadrlara yönəlmiş təhsil resurslarının inkişafına əvəzsiz töhfələr verir.
Hər iki dərs vəsaiti tələbələrin bilgi, bacarıq və kompetensiyalarını gücləndirir, onların həm elmi-nəzəri, həm də praktik sahədə uğurlu fəaliyyətinə zəmin yaradır.
Onu da qeyd edək ki, hər iki kitab Prezident Kitabxanasına yerləşdirilib.
Ürəkdən təbrik edirəm. Davamlı olsun.
Çox sağ ol. Mən də Səninlə fəxr edirəm qardaşım qızı. Gözəl balamız. Yaxşı oxumağınla, Heydər Əliyev təqaüdü almağınla.
Bu bizim Fəxrimiz kafedramızın rəhbəri Elçin müəllimin Prezident kitabxanasına daxil olmuş 10 – kitablardan itkisidir. Elçin m. Məhsuldar Alim, gözəl Ata və sevilən həmkar, müəllimdir. Sizə müvəffəqiyyətlər dəyərli insan.
Çox sağ olun Gülçimən müəllimə. Təşəkkür edirəm Sizə.
Ugurlar eziz muellimim