Bir müddət öncə qürurverici bir xəbər eşitdik – Dəyərli dostumuz Ramil Qasımovun Azərbaycan Respublikası Prezidentinin Sərəncamı ilə ölkəmizdə idmanın və paralimpiya hərəkatının inkişafındakı xidmətlərinə görə “Tərəqqi” medalı ilə təltif olunması onu yaxında tanıyanlar və ona sonsuz hörmət bəsləyən biri kimi bizi də sevindirdi. Onu bu münasibətilə ürəkdən təbrik edənlər arasında biz də varıq! Bu yüksək dövlət təltifi illərin zəhmətinə, fədakarlığına və Azərbaycan idmanına verilən dəyərli töhfələrə göstərilən böyük ehtiramın nümunəsidir.
Onun bu uğuru bizi də ürəkdən sevindirir və qürurlandırır. Ona möhkəm can sağlığı, tükənməz enerji və gələcək fəaliyyətində daha böyük nailiyyətlər arzulayırıq. Onunla fəxr edirik!
Tərəqqi” medalı ilə təltif edilən Ramil Famil oğlu Qasımov, Azərbaycanın tanınmış idmançısı, “Rio-2016” XV Yay Paralimpiya Oyunlarının qızıl medalçısı və titullu paracüdoçusudur. Ramil Qasımov 1981-ci il avqustun 13-də Gəncə şəhərində anadan olub. Şəxsi məşqçisi Əli Hacıyevdir.
Onun idman karyerası və dövlət təltifləri haqqında əsas məlumatlar aşağıdakılardır:
Dövlət Təltifləri:
“Tərəqqi” medalı: Prezident İlham Əliyevin sərəncamı ilə uğurlu idman fəaliyyətinə və qazandığı nailiyyətlərə görə bu medala layiq görülmüşdür.
“Şöhrət” ordeni: 2016-cı ildə Rio paralimpiadasında qazandığı böyük tarixi qələbədən sonra təltif edilmişdir.
Yubiley medalı: “Azərbaycan Xalq Cümhuriyyətinin 100 illiyi (1918–2018)” medalı ilə mükafatlandırılmışdır.
İdman Karyerası və Nailiyyətləri
Cüdo dövrü: Görmə problemi yaranmazdan əvvəl professional cüdo ilə məşğul olub. 2003, 2010 və 2012-ci illərdə Azərbaycan çempionu olub, 2007-ci ildə Universiada qalibi adını qazanıb və 2008-ci ildə Pekin Yay Olimpiya Oyunlarında ölkəmizi təmsil edib.
Paracüdo dövrü: 2013-cü ildən etibarən paracüdo növündə çıxış etməyə başlayıb. 2015-ci ildə Avropa çempionu, 2016-cı ildə isə Paralimpiya çempionu (73 kq çəki dərəcəsində) olub. 2017-ci ildə Bakıda keçirilən IV İslam Həmrəyliyi Oyunlarında da qızıl medal qazanıb.
Ramil Qasımov üç dəfə – 2003, 2010 və 2012-ci illərdə Azərbycan Çempionatının qalibi olub. 2007-ci ildəTailandda baş tutan Universiada Oyunlarının da qızıl medalına sahib olan Ramil Qasımov 2007 və 2008-ci illərdə Avropa Çempionatlarını yeddinci pillədə başa vurub.
Ramil Qasımov Azərbaycanı 2008-ci ildə Çində baş tutan XXIX Yay Olimpiya Oyunlarında mübarizə aparıb.
Növbəti illərdə Ramil Qasımovun görmə qabiliyyətində problemlər əmələ gəlib və o, 2013-cü ildən paracüdo üzrə turnirlərdə mübarizə aparmağa başlayıb.
Ramil Qasımov 2015-ci ildə Odivelaş şəhərində (Portuqaliya) baş tutan Avropa Çempionatının qızıl medalına sahib olub. O, 2016-cı ildə Rio-de-Janeyro şəhərində (Braziliya) baş tutan XV Yay Paraolimpiya Oyunlarında mübarizə apardı. Turnirin 1/4 final mərhələsində Kuba nümayəndəsi Xerardo Rodrigeza qalib gələn Ramil Qasımov, 1/2 final mərhələsində Almaniya nümayəndəsi Niholay Kornhassa ipponla qalib gəldi və Paralimpiadanın finalı görüşünə vəsiqə qazandı. Həlledici görüşdə onun rəqibi Ukrayna nümayəndəsi Dmitri Solovey oldu. Həmin görüşdə rəqibinə ipponla qalib gələn Ramil Qasımov, XVI Yay Paraolimpiya Oyunlarının qalibi oldu.
Azərbaycan Prezidenti İlham Əliyevin 21 sentyabr 2016-cı il tarixli Sərəncamına əsasən XV Yay Paraolimpiya Oyunlarında qazandığı nailiyyətlərə və Azərbaycan idmanında xidmətlərinə görə Ramil Famil oğlu Qasımov “Şöhrət” ordeni ilə təltif edilmişdir.
Ramil Qasımov 2017-ci ilin mayında baş tutan IV İslam Həmrəyliyi Oyunlarının qalibi olmuşdur. O, 2021-ci il ərzində beynəlxalq turnirlərdə topladığı reytinq xalları hesabına Paralimpiya Oyunlarına vəsiqə qazandı. 2016-cı il Rio-de-janeyro Paraolimpiyasının qalibi olan Ramil Qasımov, Paralimpiadanın 1/8 final mərhələsində Qazaxıstan nümayəndəsi Temircan Daulet ilə üz-üzə gəlməli idi. Amma Ramil Qasımovdan COVİD-19 (Koronavirus) üçün götürülən analiz nümunəsi müsbət çıxdığı üçün turnirdə mübarizə apara bilmədi.
Ramil Qasımov Gəncə şəhər 1 nömrəli Uşaq-Gənclər İdman-Şahmat Məktəbinin direktorudur.
O bu təhsil ocağına rəhbərlik etdiyi bütün dövrdə öz fəaliyyətini uşaq, yeniyetmə və gənclərin bədən tərbiyəsi və idman vasitəsilə sağlamlığının və fiziki hazırlığının möhkəmləndirilməsinə, yerləşdiyi ərazidə ümumtəhsil məktəbləri ilə fiziki tərbiyə işində istiqamətləndirici rol oynamağa və yüksək səviyyəli idmançıların hazırlanmasına həsr etmişdir. Onun rəhbərlik etdiyi bu təhsil ocağı illər ərzində öz göstəriciləri ilə respublikamızın ən öncül idman məktəbi kimi tanınır.
Ramil müəllim həm də vətənini, dövlətini, xalqını qəlbən sevən alovlu vətənpərvər, yaradıcı insandır. Onun vətənpərvərlik və hərbi-vətənpərvərlik ruhunda yazılmış onlarla müəllif yazıları dövrü mətbuatda və bu ruhda dərc edilmiş kitablarda öz əksini tapmışdır.
Ona işlərində ən böyük uğurlar arzulayırıq!
