Gəncə Dövlət Milli Dram Teatrının səhnəsində gənc yazar Vaqif Əmiraslanın qələmə aldığı “Gülüstan” pyesi 44 günlük Vətən müharibəsindən bəhs etməklə real həyat hadisələri üzərində qurulan qəhrəmanlıq dramıdır. Cərəyan edən hadisələr 44 günlük Vətən müharibəsi dövründə cəbhə xəttində və arxa cəbhədə paralel şəkildə inkişaf edir. Süjetin mərkəzində Vətən uğrunda döyüşən əsgərlər və onların ailələrinin taleyi dayanır. “Gülüstan” adı həm doğma torpağa bağlılığı, həm də azadlıq uğrunda verilən qurbanların simvolu kimi təqdim olunur. Baş qəhrəmanlar müharibənin ağır sınaqlarından keçərək qorxu, itki və ümid arasında mübarizə aparır. Real hadisələrə əsaslanan süjet şəhidlik zirvəsinə ucalan qəhrəmanların xatirəsini əbədiləşdirir və vətənpərvərlik ruhunu ön plana çəkir. “Gülüstan” pyesi Vətən sevgisi, birlik və fədakarlıq ideyalarını əks etdirən, müharibənin həm cəbhədə, həm də insan ruhunda yaratdığı izləri göstərən təsirli qəhrəmanlıq dramı olaraq təqdim edilir.
Tamaşanın quruluşçu rejissor Fuad Cavadzadə, quruluşçu rəssamı Mirzə Mehdi Hüseynov, bəstəkarı Svetlana Hüseynova, Xoeroqrafı Sənan Cavadov, qrafik üzrə Sübhan Hüseynov, hərbi səhnələrun qurulmasına görə məsləhətçisi isə, teatrın aktyoru, 44 günlük Vətən müharibəsinin iştirakçısı Şahmar Məmmədovdur.
Tamaşada əsas obrazları Ramiz Vəliyev (Əməkdar artist), Novruz Cəfərov (Əməkdar artist), Kəmalə Məmmədova (Əməkdar artist), Zülfiyyə Əliyeva, Emil Salmanov, Zeynəb Hüseynova, Samir Abbasov, Zəminə Cəfərova, Sevinc Hüseynova, Aysu Kəngərli, Mayan Hüseynova, Rəvan Alıyev, Səma Əlizadə, Şahmar Məmmədov, Ruslan Hüseynov, Fərid Vəliyev, Ümid Orucov, Rauf Hüseynov, Elnur Abbasov, Elmir Məmmədov, Ceyhun Qurbanov, Zaur Əhmədov ifa edirlər.