Qarabağ Qaziləri İctimai Birliyinin Gəncə filialının ofisində yazıçı-publisist, jurnalist Ruhulla Zahidovun 61 illik yubileyinə həsr olunmuş tədbir keçirilib.
Tədbirdə Qarabağ Qaziləri İctimai Birliyinin Gəncə filialının sədri Eyvaz Hüseynov, İdarə Heyətinin üzvləri, şəhid ailələri və şəhər ictimaiyyətinin nümayəndələri iştirak ediblər.
Tədbiri giriş sözü ilə filialın sədr müavini, PatriotNews.com.az saytının baş redaktoru Ceyhun Əliyev açıb. O, Ruhulla Zahidovun həyat və yaradıcılığından, jurnalistika və publisistika sahəsində fəaliyyətindən danışıb.
Daha sonra Qarabağ Qaziləri İctimai Birliyinin Gəncə filialının sədri Eyvaz Hüseynov çıxış edərək Ruhulla Zahidovu 61 illik yubileyi münasibətilə təbrik edib, onun yaradıcılığını və cəmiyyətə xidmətlərini yüksək qiymətləndirib.
Tədbirdə digər çıxış edənlər də yubilyara xoş arzularını çatdırıblar.
Sonda Ruhulla Zahidova cəmiyyətə xidmətlərinə görə təşəkkürnamə təqdim olunub.
Ruhulla Zahidov göstərilən diqqətə və onun xidmətlərini yüksək qiymətləndirən qazilərə təşəkkürünü bildirib.
PatriotNews.com.az