24 iyun 2026-cı il saat 19:00-da Gəncə Dövlət Milli Dram Teatrının səhnəsində yeni PREMYERA –
“ZƏHRİ-MAR” tamaşası nümayiş etdiriləcək.
“Zəhri-Mar” yalnız narkomaniya haqqında tamaşa deyil. Bu əsər sevgisinin altında əzilən analar, sınmış zəhmətkeş, sağlamlığını eləcə də cavanlığını öz övladının təhsili və gələcəyinə qurban vermiş atalar, ümidsiz gənclər həmçinin insanı öz övladına qarşı belə aciz qoyan bir cəmiyyətin faciəsini göstərə bilir.
Gəncə Dövlət Milli Dram Teatrının səhnəsində Abdulla Elşadlının tərcümə və səhnələşdirməsi olan “Zəhri-Mar” adlı pyesi də məhz bu səbəbdən uğurlu səhnə quruluşlarından biri hesab edilir. Bu səhnə əsəri ağır psixoloji ailə faciəsidir. Tamaşa narkomaniya bəlasının yalnız bir insanı deyil, bütöv bir ailəni, münasibətləri və insan ləyaqətini necə məhv etdiyini göstərir.
Tamaşanın quruluşçu rejissoru Gəncə Dövlət Milli Dram Teatrına dəvət edilmiş rejissor Abdulla Elşadlı, rejissoru Şahmar Məmmədov, quruluşçu rəssamı Mirzə Mehdi Hüseynov, musiqi tərtibatçısı Şəms Elşadlı, işıq rəssamı Emin Musayev, xorların müəllifi və orenjeman Ziyad Abbasov, rejissor assistenti isə Samirə Yusifovadır.
Tamaşada əsas rolları Şahmar Məmmədov, Zülfiyyə Əliyeva, Ramiz Vəliyev (Əməkdar artist), Novuz Cəfərov (Əməkdar artist), Aysu Kəngərli, Ruslan Hüseynov və Elmir Məmmədov ifa edirlər.
