“Gəncə” VK növbəti uğura imza ataraq qadın voleybolçular arasında Azərbaycan Yüksək Liqasının bürünc medalını qazanıb.
Komanda GİN-nin Voleybol Mərkəzində keçirilən üçüncü yer uğrunda həlledici qarşılaşmada əsl xarakter nümayiş etdirərək “Milli Aviasiya Akademiyası” VK üzərində inamlı qələbə qazanıb.
Komanda oyunu 3:0 hesabı ilə başa vurub. Görüşün setləri də komandanın üstünlüyünü açıq şəkildə əks etdirib – 25:15, 25:21, 25:21.
Bu qələbə “Gəncə” VK-nın yüksək əzmini, sarsılmaz komanda ruhunu və qələbə əzmini bir daha nümayiş etdirib.