Prezident İlham Əliyevin Birləşmiş Ərəb Əmirliklərinin (BƏƏ) nüfuzlu Şeyx Zayed Fondunun “Zayed İnsan Qardaşlığı Mükafatı”na layiq görülməsi möhtəşəm sülh quruculuğu xidmətlərinə verilən ali dəyərdir.
• O, Qafqazda onilliklər ərzində davam edən münaqişəyə və humanitar əzablara son qoyduğuna və “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis edilməsi haqqında Saziş”in paraflanmasına nail olduğuna görə, mükafatla təltif olunur.
• Bu, dialoq və birgəyaşayış mədəniyyətinin təşviqi və inkişaf etdirilməsi sahəsindəki missiyasını və məqsədlərini özündə təcəssüm etdirən həmin müqavilə qlobal sülhün irəliləməsində mühüm mərhələ və böyük diplomatik nailiyyətdir.
• Azərbaycan Prezidentinin sülh diplomatiyası sahəsindəki misilsiz nailiyyətləri onu göstərir ki, müasir dünya nizamında heç bir beynəlxalq təşkilatın, siyasi-hərbi dəstəyin olmadığı şəraitdə təkbaşına hərb meydanında sarsılmaz qələbə qazanmaq və hərbi aktı sülhə çevirmək hər liderə nəsib olmur.
• Azərbaycan dünya üçün digər bir gerçəkliyi təqdim etdi, öz torpaqlarını azad etməklə, həm də dünyada yeni geosiyasi tarazlıq modelini – haqqın, ədalətin, ləyaqətin düsturunu formalaşdırdı.
• Azərbaycanın lideri son bir il ərzində yorulmaz fədakarlığı, heyrətamiz diplomatiyası ilə bütün region, yaxın və uzaq coğrafiyaları birgə əməkdaşlıq, həmrəylik körpüsündə daha sıx birləşdirdi, enerji, nəqliyyat, logistika, kommunikasiya ailəsini möhkəmləndirdi. 2025-ci ilin avqust ayında Vaşinqtonda sülh sazişinin paraflanması ilə Ermənistanın Azərbaycanın ərazi bütövlüyünü tam və şərtsiz tanıması isə sülh inşasını möhkəmləndirdi
• İlham Əliyevin sülh proqramı bölgədəki bütün ölkələrin və xalqların rifahına xidmət edən yeni iqtisadi-humanitar plataforma kimi təqdir olunur.
• Bu mükafat diplomatik uğurun simvolu olmaqla Azərbaycan Liderinin dünyanın barışdığı sülh gündəliyinin qəbul edilməsinin birmənalı olaraq təsdiqidir.
Hamımız istərdik ki, Cənab İlham Əliyev sülh təşəbbüskarlığının davamı olaraq Nobel Sülh Mükafatına da layiq görülsün.
Vaqif Abdullayev,
Siyasi elmlər doktoru, professor.