Gəncə Şəhər İcra Hakimiyyətinin dəstəyi, Azərbaycan Respublikasının Gənclər və İdman Nazirliyi, “Bakı Şəhər Halqası” Əməliyyat Şirkəti və Azərbaycan Velosiped İdmanı Federasiyasının təşkilatçılığı ilə veloyürüş keçirilib. İdman tədbiri Gəncə şəhərinin MDB-nin İdman Paytaxtı seçilməsi çərçivəsində təşkil olunub.
Veloyürüşdə Azərbaycan Velosiped İdmanı Federasiyasının üzvləri, həmçinin Gəncədən olan həvəskar velosipedçilər iştirak ediblər.
Veloyürüş Nizami Gəncəvi Məqbərə Kompleksinin önündən start götürüb. Velosipedçilər şəhərin Şah İsmayıl Xətai prospekti ilə hərəkət edərək Heydər Əliyev Park-Xiyaban Kompleksinə gəlib və burada finiş ediblər.
