Gəncə Dünya Məktəbində “Gəncə İncəsənət Dünyası” adlı əl işləri sərgisinin açılış mərasimi keçirilib

Mərasimdə Gəncə Şəhər İcra Hakimiyyətinin başçısı Niyazi Bayramov, ziyalılar, ictimaiyət nümayəndələri və sənətsevərlər iştirak ediblər.

Azərbaycan Respublikasının Əməkdar rəssamları Mübariz Əkbərov və Cavanşir Məmmədovun, həmçinin Azərbaycan Respublikasının Rəssamlar İttifaqının üzvləri Rasim Hüseynov, Saləddin Məhərrəmov və Raul Sadıqovun əl işlərinin nümayiş olunduğu sərgi iştirakçılar tərəfindən maraqla qarşılanıb. Burada müxtəlif mövzulu rəsm əsərləri, bədii metal işləmə və ağac üzərində bədii oyma sənətinin nümunələri nümayiş olunub.

Gəncə Dünya Məktəbinin şagirdlərinin müxətlif məzmunlu çıxışları isə tədbirə xüsusi rəng qatıb.