Gəncə Şəhər Mənzil Kommunal Təsərrüfatı İstehsalat Birliyinin əməkdaşları tərəfindən Şəhidlər xiyabanında geniş təmizlik və abadlıq işləri aparılıb.
Görülən işlər çərçivəsində Əbədi məşəl kompleksi, şəhid məzarlarının ətrafı və xiyabanın ümumi ərazisi təmizlənib, yaşıllıq zolaqlarına aqrotexniki qulluq göstərilib, suvarma işləri həyata keçirilib. Həmçinin gecə işıqlandırma sistemindəki nasazlıqlar aradan qaldırılıb, köhnə lampalar yeniləri ilə əvəz olunub.
Bundan əlavə, Şəhidlər lövhəsinin önünə və güldanlara mövsümi güllər əkilib, alaq otları biçilib, ərazidə səliqə-səhman yaradılıb.