XX əsrdə tarix, tale Azərbaycan xalqına iki böyük ərməğan bəxş etmişdir – onlardan biri müstəqilliyimizdirsə, digəri Heydər Əliyev kimi dahi bir şəxsiyyətin mövcudluğu və xalqımıza mənsubluğudur. Onun uğurlu siyasəti və dövlət quruculuğu haqqındakı fikirləri, ideya və düşüncələri ötən dövrün dərslərindən istifadə edilməklə ölkəmizin işıqlı gələcəyinin gerçəkləşməsinə yönəldilmişdi. Dahi Liderin siyasəti Şərq müdrikliyini və Qərb praqmatizmini özündə birləşdirirdi.
Heydər Əliyev Azərbaycanın günəşli səması altında dünyaya gəlmişdi. Bu işığı nə vaxtsa vətəninə, hər bir insana, doğmalarına paylamaq üçün qəlbini nura qərq etmişdi. Dahi olduğu qədər də sadə bir insan idi. Səmimi və mehriban idi. Heydər Əliyev öz səmimiyyəti ilə insanı cəlb edirdi. O, incəsənət adamlarına, ən çox da yazıçı, bəstəkar və rəssamlara xüsusi rəğbət bəsləyirdi. Bu insanlar da onun timsalında özlərinə mənəvi dayaq görürdülər.
Heydər Əliyev ona görə ümunınilli liderə çevrildi ki, onun əxlaqi keyfıyyətləri ilə siyasətçi və mütəfəkkir istedadı birləşirdi. Siyasətdə müdriklik, həyatda praqmatiklik, dövlət idarəçiliyində ustalıq Heydər Əliyev siyasətinin ana xətti olmuşdur.
Onun bayraqdarı olduğu ardıcıl və məqsədyönlü siyasət bizi “Əsrin müqaviləsi”nə, “İpək yolu”na, Bakı-Ceyhana, Bakı-Supsaya, NATO ilə əməkdaşlığa, ən nəhayət, Avropa Şurasına aparıb çıxartmışdır.
Heydər Əliyev müasir siyasətimizi və tariximizi özündə birləşdirən dahi bir şəxsiyyətdir. Tale ona 80 illik bir ömür qismət etdi.
Ancaq Əliyevin ulduzu Azərbaycanda hələ on və yüzillərlə parlayacaq!
Azad Bayramov, professor,
ADAU-nun İctimai Elmlər və Multikulturalizm kafedrasının müdiri.