Jurnalist hər istədiyini yaza bilərmi? Mətbuat qanunlarına görə dəqiqləşdirilməmiş, təsdiqini tapmamış materiallar həqiqət kimi görsənsə belə ictimailəşdirilməməlidir. Bəs, onlar hansı mənbədən öz təsdiqini tapmalıdır? Əgər sorğulara belə cavab verilməsi məsləhət görülmürsə, jurnalist nə etməlidir?
Bir çox hallarda jurnalistlərin özü qınaq obyektinə tuş gəlir. Çünki, çoxsaylı müraciətləri tutarlı bir yazıya belə çevirə bilmir.
Bir vaxtlar Gəncə-Daşkəsən Regional Mədəniyyət İdarəsində məsul bir vəzifədə çalışan bir tanışım mənə dedi:-Məni bir sual da maqlandırır. Yadınızdadırsa, Gəncə Uşaq İncəsənət Məktəbinin direktoru Qahirə Məmmədova haqqında gözəl bir tənqidi paylaşım etmişdiniz. Onu səhifənizdən niyə sildiniz? Müəllim, kimdən nə yazıbsan, hamısı durur, amma Qahirə Məmmədovadan yazdığını həmin gün sildin.
Bildirdim ki, nəyə ehtiyac duymuruq, silirik. -Sən o şəxsin rəhbəri olubsan, bəs niyə onunla bağlı bir tədbir görmədin?-deyə ona bildirdim.
-Bu heç də asan iş deyildi.- dedi.
–Amma jurnalistlər özünü və həyatını təhlükə altına atmalıdır ki, sizə asan olsun? Bu illər ərzində nə dəyişdi ki? Köhnə hamam, köhnə tas…
Bir idarə ki, öz yazarlarına belə münasibət bəsləyir, o idarə kimə lazımdır ki? Adımızı, əsərlərimizi yaşatmaq, onu təbliğ etmək əvəzinə əlindən gələni etdilər ki..
– Bilirəm, – dedi. – Mən əlimdən gələni etdim.
Qahirə Məmmədova Gəncə şəhər Uşaq İncəsənət Məktəbinin direktorudur. Deyilənə görə son illərdə ona və başqa digər musiqi məktəblərinin direktorlarına cinayət işi açılsa da hansısa görünməyən əllərsə onları qorumaqdadır. Necə deyərlər, “tutulmayan oğru, doğrudan doğru”.
Bunu biz demirik, bunu ondan bizə şikayət ünvanlayan insanlar deyir. Dəfələrlə əlaqə yaratmağa çalışdıq, deyilənləri yoxlayıb dəqiqləşdirməyə çalışsaq da (hətta rəsmi məktub da ünvanlamışıq), cavab verməyi özünə sığışdırmaz. O qədər arxayın adamdır ki, insan sözü, insan şikayəti onun üçün heç bir əhəmiyyət daşımaz.
Ondan bizə ünvanlanan mesajlardan bəzilərini diqqətinizə çatdırırıq. Onu da bildirək ki, bu mesajlar onun iş yoldaşları tərəfindən bizə göndərilmişdir.Düz deyirlər, səhv deyirlər, babalı onların boynuna. Əgər səhvləri varsa, bu cinayətləri törədibsə və Mədəniyyət Nazirliyi lazım və məsləhət bilərsə, o mütləq cəzalandırılacaqdır. Əks təqdirdə, jurnalistlər bu işdə əlacsızdır.
Bu mesajlar müxtəlif dövrlərdə bizə yazılıb:
-Sabahınız xeyir. Qahirə Məmmədovanın direktor olduğu Gəncə Uşaq İncənət Məktəbindən 20-dən çox müəllim attestasiyadan kəsilib, hardasa 400 saatdan çox saat edir. Ancaq bu dərsləri müəllimlərə bölmək əvəzinə dərsi öz adamlarının üstünə yazıb özünə götürür və yaxud dərsi pul müqavilində satır. Onun kimi də bütün şəhər məktəbləri helədir.
Qahirə Məmmədova hər ay dövlət büdcəsinə ziyan vuraraq, iki məktəbdən 60 min manat pul mənimsəyir. Hər ay direktor tərəfindən mənimsənilən pullar, məktəbdə müəllimlərin qeyri-rəsmi şəraitdə işləmələri hesabına həyata keçirilir, belə ki, yüksək dərs saatları olan müəllim hər ay alınan maaşın bir hissəsini direktora çatdırır.
Bununla kifayətlənməyən direktor, məktəbə şagird qəbulu üçün valideynlərdən 200-400 manat, attestatın verilməsi üçün isə 300-500 manat valideynlərdən pul tələb edir. Məktəbdə 12 saatdan artıq dərs saatı istəyən müəllimlərdən beş yüz manat pul müqabilində dərs saatı artırılır. Nəzəriyyə müəllimlərindən kəsilən dərs saatları isə ona “yaxın olan” müəllimlərin üstünə yazılır. Bu il UİM-də Nəzəriyyə müəllimlərinin ümumi dərs yüklərindən (demək olar ki, hamısından) 4-8-10 saat dərs yükü kəsilib. Yoxlama vaxtı Gəncə şəhəri 2 nömrəli Uşaq Musiqi Məktəbindən çıxarılan 20-dən çox “ölü can” şagirdlər isə necə yollarlasa Uşaq İncəsənət Məktəbinə “yerləşdirilmişdir”.
-Qahirə Məmmədova 70 min manat rüşvət müqavilində Gəncə Şəhər Uşaq İncəsənət Məktəbinə direktor vəzifəsinə təyin edilibdir. Həmin aydan Gəncə şəhər 2 saylı Musiqi Məktəbi də, Gəncə Şəhər Uşaq İncəsənət məktəbi də Qahirə Məmmədovanın səlahiyyətindədir.
Kimə lazımdırsa, tədbir görə bilər.
Şərinizi jurnalistlərdən uzaq edin.