Azərbaycan Dövlət Aqrar Universitetinin (ADAU) Balıq məhsullarının istehsalının texnologiyası kafedrasının bir qrup professor-müəllim heyəti üçün BMT-nin Ərzaq və Kənd Təsərrüfatı Təşkilatının (FAO) Azərbaycan ofisi tərəfindən təlim təşkil olunub. Təlim FAO-nun beynəlxalq ekspertinin iştirakı ilə aparılıb.
Təlimdə Azərbaycanda su təsərrüfatının inkişaf imkanları, iqlim dəyişikliyinin balıqçılıq və su təsərrüfatına təsirləri və dayanıqlı su təsərrüfatlarının qurulması kimi mövzular ətrafında geniş müzakirələr aparılıb.
Təlimin məqsədi universitetin müvafiq istiqamətdə tədris və tədqiqat aparan professor-müəllim heyətinin bilik və bacarıqlarının artırılması, peşəkar kadrların hazırlığı və dayanıqlı su təsərrüfatlarının inkişafına töhfə vermək olub.