Gəncəli ziyalılar Mehman Hüseynovun böhtançı videosuna etiraz edirlər

Gördüyünüz xanımlar Gəncədə yaşayan şəhid analarıdır. Gəncədə İmamzadədə şəhidlərin xatirəsinə ehsan süfrəsi açılıb. Şəhid anaları Gəncə Şəhər İcra Hakimiyyətinin Başçısı Niyazi Bayramovun haqqında görün necə xoş sözlər deyirlər.

 Qayğı göstərilir ki, bu analar belə razılıq edirlər. Heç bir şəhid anası övladının qanı üzərindən yalan söyləməz. Bəli, həqiqət budur. Həqiqət kimlərinsə sifarişi ilə sosial şəbəkədə eyni nömrəni fotoşopla müxtəlif maşınlara vurub yalandan kampaniya aparmasından ibarət deyil.

             

Kimsə ortalığa bir söz atanda tanıyan da, tanımayan da hərə bir şey yazır. Mən Gəncədə yaşayıram. Ziyalıyam, aliməm, elm adamıyam. Tanısa da, tanımasa da videonun altından yalandan hərə bir şey yazır. Niyazi Bayramovun mənim müdafiəmə ehtiyacı da yoxdur. Amma gəlin vicdanımızı itirməyək, həqiqətləri yazmaq lazımdır. Niyazi Bayramov müsbət insani keyfiyyətlərə malik rəhbərdir. Bütün günü şəhərin müxtəlif məhəllələrində səyyar qəbullar keçirir. Vətəndaşların problemlərinin həllinə çalışır. Bu şəxs azsaylı icra başçılarındandır ki, şəhərdə mühafizəsiz gəzir. İstənilən vətəndaş yaxınlaşıb ona problemini deyə bilir. Mənim yaxın qohumum da şəhid olub. Mən onun timsalında görmüşəm ki, Niyazi müəllim qazilərə, müharibə veteranlarına, şəhid ailələrinə necə qayğı ilə yanaşır. Bir dəfə tədbir zamanı ona yaşlı qoca bir qadın yaxınlaşdı. Niyazi müəllim onun əlindən tutdu, yanında saxladı və çıxışını bitirən kimi həmin qadının problemlərini dinləyərək həll olunması üçün elə yerindəcə lazımi adamlara tapşırıq verdi. Bu hadisə heç vaxt yadımdan çıxmır. Başçı belə olar.

Amma elə başçı var ki, onun həndəvərinə belə yaxınlaşa bilməzsən. Niyazi müəllim heç bir sahibkara, heç bir mağazaya başqaları kimi haqq qoymayıb, sərbəstlik verib. Ölkə Prezidentinin bütün tapşırıqlarına çox ləyaqətlə əməl edir. Bütün Gəncə Niyazi müəllimi sevir və ona hörmətlə yanaşır. Qaldı şəhərin asfaltlanması məsələsi, bilmək lazımdır ki, içməli su və kanalizasiya xətləri dəyişdirilir. Bu iş başa çatdıqca mərhələli şəkildə asfaltlanma prosesi də aparılır. Vaxtı ilə Gəncədə küçələrdən üfunətli kanalizasiya axdığı nə tez yaddan çıxdı??? Gəncədə ömründə asfalt görməyən ara küçələr belə asfaltlanıb. Bunları Niyazi müəllim elətdirib. Ayıbdır vallah. Həm də bu dəqiqə fotoşop proqramı ilə elə düzəltmək olar ki, kiminsə tankı var.

Kimlərsə məqsədli şəkildə bu fantaziyaları atıb ortaya. Amma unutmayaq ki, Niyazi Bayramov Gəncədə işləyən insani keyfiyyətləri ilə seçilən icra başçılarından biridir. Gəncə əhalisi bu adamdan həqiqətən də çox razıdır. Onu da qeyd etmək lazımdır ki, Gəncədə ara qarışıb, məzhəb itəndə, şəhərə gəlişi ilə sükut çökdürən Niyazi Bayramov oldu.

Allah belə məmurlarımızı qorusun ki, dövlətçiliyimiz də qorunsun!

Elçin Cavadov,

Gəncə Dövlət Universitetinin dosenti, texnika elmləri doktoru.