Ümummilli lider Heydər Əliyevin ölkəmizə rəhbərlik etdiyi müddətdə Azərbaycanın inkişaf strategiyasını müəyyən edib. Hazırda Prezident İlham Əliyev tərəfindən bu strategiya uğurla həyata keçirilir, Hal-hazırda bu strategiya müasir dövrün çağırışlarına uyğun olaraq daha da inkişaf etdirilir. Prezident İlham Əliyevin rəhbərliyi ilə məntiqi ardıcıllıqla aparılan islahatlar əsasında əldə olunan uğurlar iqtisadiyyatın qlobal çağırışlara yüksək dayanıqlılıq nümayiş etdirməsinin, əhalinin sosial rifahının yüksəlməsinin və milli təhlükəsizlik potensialının güclənməsinin əyani sübutudur. Hazırda Azərbaycanda iqtisadiyyatın qeyri-neft sektorunda böyük çəkiyə malik olan kənd təsərrüfatı sürətlə inkişaf edir. Bu gün ölkə Prezidentimizin aqrar sahədə həyata keçirdiyi siyasət Kənd Təsərrüfatı Naziri İnam Kərimov tərəfindən çox yüksək səviyyədə davam etdirilir. Biz, bu gün Aqrar sahədə təhsil alan gənclər kimi dövlətimizin Aqrar sahəyə, Aqrar Gəncliyə göstərdiyi diqqəti çox yüksək səviyyədə dəstəkləyirik. Aqrar Gəncliyə göstərilən diqqətin bariz nümunəsi kimi Kənd Təsərrüfatı Naziri İnam Kərimovun 18 may 2019 tarixində Azərbaycan Dövlət Aqrar Universitetinə tələbələrin görüşünə gəlməsini göstərmək olar. Görüş zamanı Hörmətli Nazirimiz Ölkəmizdə Aqrar sahədə keçrilən islahatlardan danışdı. Nazirimizin səmimi çıxışı zamanı “Ölkəmizin siz Gənclərə çox böyük ehtiyacı var. Gələcəyin Aqrar sahəsinin inkişafını siz Gənclər müəyyən edəcəksiz” deməsi üzərimizə düşən məsuliyyətin nə qədər böyük olduğunu bir daha sübut etdi. Keçirilən görüş müddətində nazirimiz Aqrar sahədə təhsil alan tələbələrin ünvanladığı sualları cavablandırdı, verilən təkliflərin icara edilməsi üçün müəyyən tapşırıqlar verdi. Hörmətli nazirimizin Aqrar Gəncliklə görüşü bizə bir daha stimul verdi ki, ixtisasımızı daha yaxşı öyrənərək, yeni innovasiyalardan,, texnologiyalardan xəbərdar olaraq gələcəyin əsl Aqrar mütəxəsisi kimi yetişək.
Orxan Məmmədov Azərbaycan Dövlət Aqrar Universitetinin Aqronomluq fakültəsinin 1 kurs tələbəsi.