Mədəniyyət Nazirliyinin musiqi və incəsənət sahəsinə aid islahatları çərçivəsində təhsilin keyfiyyətinin, eləcə də nazirliyin tabeliyindəki musiqi, incəsənət məktəb və mərkəzlərində çalışan təhsilverənlərin peşə səriştə və bacarıqlarının ölçülməsi, ixtisasına, sənətinə müvafiq olaraq onların tutduğu vəzifəyə uyğunluğunun müəyyənləşdirilməsi məqsədilə 2026-cı ilin fevral ayının 10-dan başlayaraq attestasiyanın keçirilməsi nəzərdə tutulur.
Qeyd etmək lazımdır ki, təhsilverənlərin attestasiyasına hazırlıq işləri 2024-cü ilin noyabr ayından başlanılmış və artıq 2025-ci ildə I mərhələsi yekunlaşmışdır. Belə ki, Bakı, Abşeron-Xızı, Quba-Xaçmaz, Şirvan-Salyan və Mil-Muğan regionları üzrə keçirilən attestasiyada 4000 yaxın müəllim iştirak etmiş və onlardan əksəriyyəti tutduğu vəzifəyə uyğun hesab edilmişdir.
2026-cı ildə ilboyu keçiriləcək II mərhələdə 9 bölgəyə aid 57 inzibati ərazilərdə fəaliyyət göstərən incəsənət müəllimlərinin attestasiyası planlaşdırılır.
Musiqi və incəsənət məktəblərində və mərkəzlərində çalışan təhsilverənlərinin attestasiyası başlanır
