Ölkənin aparıcı nəşriyyatları, sevilən yazıçıları və tanınmış ictimai xadimlərinin iştirakı ilə IV Gəncə Kitab Sərgisini təşkil edilib. Tədbir 21, 22 və 23 noyabr tarixlərində Gəncə Dövlət Filarmoniyasının “Urban” Mərkəzində keçirilib.
Sərgidə yüzlərlə yeni kitab, müəlliflərlə görüşlər, təqdimatlar və uşaqlar üçün maraqlı tədbirlər sərgilənib.
Bu layihə Azərbaycan Respublikası Mədəniyyət Nazirliyi, Gəncə Şəhər İcra Hakimiyyəti və Gəncə–Daşkəsən Regional Təhsil İdarəsinin təşkilati dəstəyi ilə Azərbaycan Nəşriyyatlar Assosiasiyası (ANAİB) tərəfindən həyata keçirilib.