5 Mart – “Bədən Tərbiyəsi və İdman Günü” münasibətilə Gəncə İdman Liseyinin akt zalında “Təhil” RİM PHŞ Gəncə şəhər 1 nömrəli Uşaq-Gənclər İdman-Şahmat Məktəbi Publik Hüquqi Şəxsin 2025-ci ilin idman yekunlarına həsr olunan tədbir keçirilib.
Tədbir Respublikamızın dövlət himninin səsləndirilməsi ilə açıq elan edilib.Torpaqlarımızın suverenliyi və bütövlüyü uğrunda canlarından keçən vətən övladlarının əziz xatirəsi bir dəqiqəlik sükutla yad edildikdən sonra ötən bir il ərzində qazanılan nailiyyətləri əks etdirən videoçarx izlənilib.
Sonra söz məktəbin direktoru, “Şöhrət” Ordenli Ramil Qasımova verilib.Çıxışında cari ildə qazanılmış olan nəticələri yüksək qiymətləndirən natiq bu işdə əziyyətləri idmançılardan heç də az olmayan məşqçi-müəllimləri bayram münasibəti ilə təbrik edərək, gələcək idman fəaliyyətlərində onlara uğurlar arzu edib.
Digər çıxış edənlər də məşqçi-müəllimlərə nailiyyətlərinin davamlı olmasını arzulayaraq, təbriklərə qoşulublar.
Daha sonra məktəbin rəhbərliyi tərəfindən il ərzində fərqlənən müəllimlərə “5 Mart Bədən Tərbiyəsi və İdman Günü” münasibətilə xüsusi olaraq hazırlanmış diplomlar təqdim edilib.
Sonda xatirə şəkilləri çəkdirilib.