Gəncə şəhər MKTİB- nin rəisi Əhmədov Nurəhməd Lətif oğluna
Gəncə şəhər 20 yanvar küçəsi, 171 nömrəli evin sakini,
Etmtv.space portalının rəhbəri Ruhulla Əsgər oğlu Zahidov tərəfindən
M ü r a c i ə t
Yazıb Sizə bildirirəm ki, sakini olduğum Gəncə şəhəri 20 yanvar küçəsi və ətraf ərazilərdə artıq neçə illərdir ki, zibil daşıyan maşınlar fəaliyyət göstərir. Fəaliyyətə başladığı dövrdən əli papkalı bir şəxs hər ay 1 manat 50 qəpik əhalidən zibil pulu yığırdı və çek verirdi. Dəfələrlə bildirmişik ki, bizim abonent kodu olmayan çeklərə pul yığmaq, özü də qapılardan zorla tələb etmək qeyri-qanuni bir işdir, xahiş edirik bizə qanuni abonent kodu təqdim edin, biz bu pulu poçtda vaxtlı-vaxtında ödəyək. Çünki, eşitdiyimizə görə 2005-ci ildən qapılardan əlnən pul yığmaq müvafiq qanunlar tərəfindən qadağan olunmuşdur. Pul yığan şəxs sözlərimizi qulaqardına vurmuş, bəzi hallarda isə etirazımıza görə bizə kobudluq göstərmişdir. Elə vaxtlar olub ki, qapını gec açdığımız üçün darvazanı yumruqla döymüş, səsi küçəyə yayılmışdır. Küçədə bizi tutub, pulu gecikdirdiyimizə görə ağır sözlər demişdir.
2 ildən çox müddətdə o bizim qapını artıq döymür. Yaxın günlərdə qonşulardan eşitdik ki, o şəxs yenə də qapılara düşüb əhalidən pul tələb edir və bir illik 24 manat olmaqla alııb “million” aparatı vasitəsi ilə ödəyir və yenidən insanlara pul ödədiyi çeki təqdim edir. Bizə isə qəsdən və bilərəkdən bu kod təqdim edilməmişdir. Belə olan təqdirdə biz vaxtilə bu pulun qeyri-qanuni yollarla yığıldığını fikirləşməkdə haqlı imişik.
Tanışlarım vasitəsi ilə bizim abonent kodunu və bizə 146 manat 40 qəpik zibil pulu yazıldığını öyrənmişik. Əlbəttə ki, hər bir vətəndaş kimi biz də bu pulu ödəməyə borcluyuq. Amma burda bir nüans var- bizə deyilənə görə biz küçədə zibil pulu yığılan dövrdən (guya ki, 11 il ərzində-halbuki zibil maşını bizim ərazidə cəmi 5-6 ildir ki, fəaliyyət göstərir) guya ki, bir manat da olsa belə pul ödəməmişik. İstənilən zaman idarədə verilən çeklər vasitəsilə zibil pulunun məhz nə vaxtdan yığıldığını və bizim məhz nə qədər idarəyə pul ödədiyimizi araşdırıb tapmaq çətin bir iş deyildir.Əgər deyilənlər təsdiqini tapırsa bu, əhalini təbəqələrə bölmək, insanları dolamaq və ələ salmaqdır.Biz niyə abonent kodumuzun olmasını məhz qonşulardan öyrənib bilməliyik. (Təsadüf olmasaydı bunu hələ çox aylar bilməyəcəkdik). Bir sakin və jurnalist kimi idarənin bu sahədəki fəaliyyəti ilə bağlı bir çox məsələlərə aydınlıq gətirmək istərdik:
1.“Zibil pulu” deyilən anlayış varmı? Varsa, bu fəaliyyət növü məhz hansı idarəyə aid edilir və aylıq ödəniş nə qədərdir?
2. 11 il bundan əvvəl 20 yanvar 171 nömrəli evin abonent kodu necə olmuşdur və indi necədir? Bu rüsumu poçt və ya “Million” aparatı vasitəsilə niyə ödəmək mümkün deyildi?
3. Əgər 2005-ci ildən ərazilərdən əl ilə rüsum pulu yığılması qanunla qadağan edilibsə, bu pul əhalidən bu yolla nə üçün yığılıb və bu pullar hansı təşkilatın (yaxud qurumun) büdcəsinə daxil olub?
4.Əgər 11 il ərzində aylıq “zibil pulu” haqqı məhz 1 manat 50 qəpik olubsa, bu dövr ərzində bizdən guya ki, qalan “borc” 146 manat 40 qəpik olmazdı. Üstəlik bizdən alınan rüsum pulları niyə qeydiyata alınmayıb?
Suallarımıza dəqiq və tezliklə cavab verilməsini sizdən xahiş edirik.
Hörmətlə: Ruhulla Zahidov, yazıçı-jurnalist,
Etmtv. space təhsil portalının təsisçisi və baş redaktoru.