Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyində 2025-ci il üzrə “ASAN xidmət indeksi” üzrə qiymətləndirmə nəticələrinə və “ASAN müraciət” informasiya sisteminin fəaliyyətinə dair illik hesabat təqdim edilib.
Tədbirdə Gəncə Şəhər İcra Hakimiyyəti başçısının müavini Kamran Məhərrəmov iştirak edib.
“ASAN xidmət indeksi” üzrə qiymətləndirmə və “ASAN müraciət” informasiya sisteminin 2025-ci il üzrə fəaliyyətinin illik nəticələrinə dair keçirilən tədbirdə seçilən qurumların adları açıqlanıb.
2025-ci ilin yekunlarına əsasən “ASAN müraciət” informasiya sistemi üzrə, 1-ci yerə Bakı şəhəri Sabunçu Rayon İcra Hakimiyyəti, 2-ci yerə İri Şəhərlərin Su Təchizatı QSC, 3-cü yerə isə Gəncə Şəhər İcra Hakimiyyəti layiq görülüb.
Qeyd edək ki, bu nəticə Gəncə Şəhər İcra Hakimiyyətinin vətəndaş müraciətlərinin operativ və şəffaf şəkildə cavablandırılması istiqamətində gördüyü işlərin göstəricisidir.
