Azərbaycan Respublikasının Prezidenti İlham Əliyev ölkə həyatının bütün sahələrində baş verən hadisələrə, yeniliklərə daim operativ reaksiya verir, hər bir məsələni diqqət mərkəzində saxlayır. Məhz dövlətimizin başçısının yüksək diqqəti və yorulmaz fəaliyyəti sayəsində bu gün Azərbaycanda etnik, dini və ictimai-siyasi zəmində möhkəm sabitlik hökm sürür. Azərbaycanın güclü, iqtisadi və siyasi cəhətdən müstəqil, daim inkişaf edən demokratik, hüquqi dövlət quruculuğu yolunda inamla irəliləyən, eləcə də qlobal və regional inteqrasiya proseslərində fəal çıxış edən dövlətə çevrilməsi məhz bu uğurlu islahatların nəticəsidir.
Əsası Ulu Öndər Heydər Əliyev tərəfindən qoyulan gənclər siyasəti hal-hazırda Möhtərəm Prezidentimiz Cənab İlham Əliyev tərəfindən uğurla davam etdirilir. Ölkənin ictimai-siyasi həyatında gənclərin rolu yüksəkdir. Gəncə gəncləri olaraq biz də bu uğurlu siyasətin bir parçası olduğumuz üçün qürur duyuruq!
Hal-hazırda istər ölkə ərazisində olsun, istərsə də ölkədən kənarda olsun, gənclərimiz aktiv Azərbaycan gənci kimi, aktiv vətəndaş kimi öz məsuliyyətlərini dərk edirlər və yüksək səviyyədə fəaliyyət göstərirlər. Gənclərimiz beynəlxalq layihələrdə aktiv şəkildə iştirak edərək vətəni ölkədən kənarda uğurla təmsil edirlər. Bütün bunlar Cənab Prezident tərəfindən ölkə gənclərinə verilən diqqət və qayğının bariz nümunəsidir deyə Ruslan Vəliyev bildirdi.
Hal-hazırda Respublikada könüllülük hərəkatı geniş vüsət almışdır. Ölkə başçısının gənclərin könüllü olaraq fəaliyyətini yüksək qiymətləndirməsi, gənclərə dəstək olması, könüllü fəaliyyətini diqqətdə saxlaması biz gənclərə çox böyük sitimul olmuşdur. Aprel döyüşlərində gənclərin könüllü olaraq döyüşə getmək istəyi vətən uğurunda canlarından keçməyə hazır olduqlarını bildirirdi. Cənab Prezidentimiz İlham Əliyev hər çıxışında bildirir ki, gənclər Azərbaycanın gələcəyidir. Onlar vətənpərvər ruhda yetişməli, vətənə sədaqətli olmalı, vətən torpağını sevməlidir! Biz Gəncə gəncləri olaraq ölkədə baş verən ictimai-siyasi proseslərdə ölkəmizin başçısının, möhtərəm Prezidentimiz Cənab İlham Əliyevin ətrafında sıx birləşmişik və birləşəcəyik!!!
Ruslan Vəliyev, Azərbaycan Dövlət Aqrar Universitetinin Aqrobiznes və İdarəetmə fakultəsinin Menecment ixtisasının 3-cü kurs tələbəsi, Odlar Yurdu Gənclər İctimai Birliyinin baş katibi, Aqrar İnkişaf Könüllüləri Təşkilatının Gəncə nümayəndəliyinin üzvü.