Əmək və Əhalinin Sosial Müdafiəsi Nazirliyi tərəfindən “Azərbaycan Respublikasında sosial xidmətin inkişafına dair 2023-2026-cı illər üçün Dövlət Proqramı”nın təsdiq edilməsi haqqında” Azərbaycan Republikası Prezidentinin 2023-cü il 28 avqust tarixli 4059 nömrəli Sərəncamının icrasının təmin edilməsi barədə Azərbaycan Respublikası Nazirlər Kabinetinin 25 sentyabr 2023-cü il tarixli 801s nömrəli Sərəncamının 1.3-cü hissəsinin icrası ilə bağlı İşçi qrupunun onlayn toplantısı keçirilib.
ZOOM platforması üzərindən reallaşan görüşdə İşçi qrupunun üzvü, Gəncə Şəhər İcra Hakimiyyəti başçısının müavini Adil Tağıyev də iştirak edib.
Toplantıda Əmək və Əhalinin Sosial Müdafiəsi nazirinin müavini Hidayət Abdullayev çıxış edərək Dövlət Proqramında nəzərdə tutulan tədbirlərin icrası istiqamətində görülən işlər barədə məlumat verib.
ƏƏSMN-nin Sosial təminat siyasəti şöbəsinin müdir müavini Nuranə Həsənova isə “Azərbaycan Respublikasında sosial xidmətin inkişafına dair 2023–2026-cı illər üçün Dövlət Proqramının icrası” mövzusunda təqdimatla çıxış edib.
Daha sonra Dövlət Proqramında nəzərdə tutulan tədbirlər ətrafında müzakirələr aparılıb və iştirakçıların sualları cavablandırılıb.
